Ankesa për Presidentin e Big Brother nga populli

Gjatë miratimit të ligjeve, Presidenti shpesh ka kundërshtuar disa nga propozimet e qeverisë.

Ai nuk ka qënë dakord dhe ka kërkuar rishikimin e tyre, gjithashtu ka shprehur mendimin e tij dhe ka dashur të nderhyjë në ligjin e propozuar nga qeveria.

Por duket se kjo gjë nuk i ka pëlqyer aspak popullit. Ata kanë shprehur revoltimin e tyre kundrejt ndërhyrjes dhe diskutimit të presidentit me qeverinë, pasi detyra e tij është thjesht të miratojë me Po ose Jo, ligjin e propozuar.

Kryeministri ka deklaruar që në seancën e ardhshme do t’i parashtrojë disa kërkesa për ndryshim Presidentit, e në rast se nuk i pranon, ai do të shkarkohet.

Banorët votuan për qeverinë e Big Brother, ndërsa rezultati final u shfaq në monitor.

Kristi u zgjodh President, Luizi u zgjodh kryeministër, Efi kryetare e Parlamentit, Elvisi ministër i drejtësisë, Qetsori ministër i brendshëm, Jori avokate e popullit, ndërsa Dea, Bledi, Keisi, Kiara dhe Nita janë populli, të cilët do adresojnë problematikat e tyre.

Përmes një zarfi të bardhë, Vëllai i Madh futi edhe Kushtetutën, në të cilën shpjegohen edhe rregullat për secilin zyrtar, për sovranitetin që i përket popullit, si dhe shpejgohen disa rregulla të rëndësishme për mbarëvajtjen e programit.

Banorëve u dhanë edhe disa tema që mund të trajtonin me njëri-tjetrin, si dhe kishin mundësinë të shtonin të tjera.

Avokati i popullit, Jori, pas çdo përfundimi të një diskutimi përkatës, do shprehë pëlqyeshmërinë ose jo të tij.

Fraksion.com