Zyrtari i lartë ukrainas bën thirrje për më shumë armë me rreze të gjatë dhe “më pak meditim për rrjedhjet”
Ukraina ka nevojë për më shumë armë me rreze të gjatë dhe “më pak meditim për rrjedhjet”, tha këshilltari presidencial ukrainas Mykhailo Podolyak, duke iu referuar rrjedhjes së fundit të dokumenteve të klasifikuara të Pentagonit.
“Nëse do të kishim kohë, mund të shihnim RF-në (Federata Ruse) të shpërbëhej dhe ‘elitat’ e saj të gllabëronin njëra-tjetrën. Por ne nuk e kemi atë, pasi njerëzit tanë po vdesin”, shkroi në Twitter Podolyak, një këshilltar i kreut të Zyrës së Presidentit të Ukrainës, të martën.
“Ne kemi nevojë për më pak soditje për ‘rrjedhjet’ dhe më shumë armë me rreze të gjatë, në mënyrë që të përfundojmë siç duhet luftën dhe ta bëjmë RF-në të përballet me realitetin.”
Kujtojmë se Ukraina ka kërkuar armë me rreze të gjatë në mënyrë që të jetë në gjendje të godasë depot e municioneve dhe qendrat logjistike që forcat ruse i kanë lëvizur jashtë rrezes së sistemeve ekzistuese.
Në janar, zyrtarët ukrainas kërkuan raketa me rreze më të gjatë që mund të arrijnë brenda Rusisë.
Por aleatët perëndimorë deri më tani kanë qenë të kujdesshëm që të mos i ofrojnë Ukrainës sisteme që mund të arrijnë Rusinë në mënyrë që të zvogëlojnë rrezikun e përshkallëzimit të konfliktit.
Fraksion.com
