Detaje: Tritoli shpërtheu sapo kreu i PD të Vaut të Dejës hipi në makinë, si paraqitet gjendja e tij

Detaje të reja janë bërë publike për mediat nga shpërthimi i makinës së kreut të PD në Vaun e Dejës, Bernard Ndreca.

Mësohet nga njoftimi zyrtare se shpërthimi ka ndodhur rreth orës 07:10 në kohën kur Ndreca ka hipur në automjetin e tij.

Fatmirësisht Ndreca dhe asnjë person tjetër nuk kanë pësuar dëmtime, teksa të vetemet dëmtime që kanë ndodhur kanë qenë ato materiale.

Tritoli, bëhet me dije se ishte vendosur në pjesën e përparme të makinës.

Policia informon se ‘rreth orës 07:10, në fshatin Paçram, Vau i Dejës, në pjesën e përparme të automjetit tip “Audi”, në pronësi të shtetasit B. N., dyshohet se ka shpërthyer lëndë plasëse.

Me marrjen e njoftimit, menjëherë në vendngjarje kanë shkuar shërbimet e Policisë dhe grupi hetimor.

Nga veprimet e para rezulton se shpërthimi ka ndodhur në momentin që shtetasi B. N. ka hipur në automjet.

Nga shpërthimi, shtetasi B. N. nuk ka pësuar dëmtime, por janë shkaktuar vetëm dëme të pjesshme materiale.

Grupi hetimor, në drejtimin e Prokurorisë, vijon veprimet intensive në vendngjarje, me qëllim zbardhjen e rrethanave të ngjarjes, identifikimin dhe kapjen e autorit/ve’./noa.al

Fraksion.com