Humb kontrollin e motorit dhe del nga rruga, ndërron jetë 54-vjeçari në Shkodër
Një aksident i rëndë është shënuar mbrëmjem e së shtunës në Shkodër, ku viktimë ka mbetur një 54-vjeçar.
Viktima me iniciale Z. L. duke drejtuar motorin ka humbur kontrollin dhe ka dalë nga rruga.
Si pasojë e dëmtimeve ai ka ndërruar jetë.
“Më datë 08.04.2023, rreth orës 22:20, në aksin rrugor Shkodër- Velipojë shtetasi Z. L., 54 vjeç, banues në fshatin Gomsige e Re, Velipojë duke drejtuar motomjetin e tij pa targa, ka humbur kontrollin mbi drejtimin e motomjetit dhe motomjeti ka dalë nga rruga. Si pasojë drejtuesi i motomjetit shtetasi Z.L, ka ndërruar jetë”, njofton policia.
Grupi hetimor po vijon punën për sqarimin e rrethanave të aksidentit.
Fraksion.com
