S’përmbahet Berisha: Veliaj pastron paratë e Gardës Revolucionare të Iranit, inceneratorin e kanë fshehur

Ish-kryeministri Sali Berisha ka lëshuar akuza të forta në drejtim të kryetarit në detyrë të Bashkisë së kryeqytetit, Erion Veliaj, sa i takon inceneratorit të Tiranës.

Në një deklaratë për mediat, Berisha tha se Veliaj pastron paratë e Gardës Revolucionare të Iranit, duke shtuar se inceneratorin e Tiranës e kanë fshehur. Mes të tjerash Berisha flet për një mafie të organizuar të përfshirë në këtë çështje.

“Të dhëna të qarta lidhin djegësin e Tiranës, Erion Veliajn me Bruno Presecin dhe Ali Aliabadin, ish-komandantin e Pasdaran, tani sipërmarrës i madh në Iran, nën sanksione ekonomike të BE dhe SHBA. Unë e kam denoncuar këtë lidhje me Iranin të Erion Veliajt, siç jeni ju dëshmitarë. Erion Veliaj nuk ka guxuar kurrë të përgënjeshtrojë qoftë edhe njëherë të vetme, denoncimin e kësaj lidhje të rrezikshme për Shqipërinë. Lidhja e Erion Veliajt me Teheranin nuk është e re. Daton 15-20 vjet më para.

Udhëtimet e tij të shpeshta janë denoncuar nga shërbime të vendeve partnere. Unë i kam denoncuar ato publikisht.
Tani rezulton se pronar kryesor në dokumente i kompanisë së inceneratorit të Tiranës është Bruno Preseci, i cili në fakt ka për ortak një kompani që thuhet se është po e tij. Pra, në dokumente ai figuron ortak me 43 përqind, por duke pasur parasysh se kompania tjetër italiane, thuhet se është po e tij, ai shkon në 80 përqind aksioner i kompanisë së Erion Veliajt. Italiani që u hetua këtu, Gabriele, u arrestua, u dënua dy vite duke i thënë se dënohesh pa faj. Ajo që është kulmore është se Gabrielit i bënë një espulso, 5 vite nuk ka të drejtë të futet në Shqipëri. Se Gabrieli është dëshmitari i të gjithë aktivitetit të mafies së tmerrshme Rama-Veliaj-Preseci.
Gabriele di çdo gjë, siç din shoferi i tij, Miliad Lopa. Miliadi në fakt është konfident i Brunos. Miliadi është një qytetar shqiptar që udhëton disa herë në muaj në Teheran.

Miliadi është fluent në farsi dhe është inxhinier elektronik. Por, ka bërë shoferin e Gabrieles. Mafia funksionon si organizatë me rregulla shumë të veçanta. Miliadi me Ersin kishin një shtëpi bari gjigante dhe janë të gjithë dokumentet për këtë, për shtëpinë e barit. Të gjitha këto u mbyllën duke përzënë Gabrielen nga Shqipëria. Por Gabrieli di shumë. Inceneratori i çmontuar në Konstancë dhe i sjellë në Shqipëri, njëlloj si i Elbasanit, që tani është hekurishte dhe nuk punon më, hapën tender për 4 milionë sërish. Tani del që këtë tjetrin e fshehin për shkak të Gabrieles. Nuk tregojnë se ku është. Pra, Erion Veliaj merr në kundërshtim flagrant me kontratën, me 29 euro një ton pleh, taton qytetarët e Tiranës, në një kohë kur kjo tarifë është për djegien e tyre. Paratë i ndan me Bruno Presecin dhe iranianët. Ekzistojnë dyshime shumë të forta se Erion Veliaj, Miliad Lopa dhe Bruno Preseci riciklojnë paratë e Pasdaran dhe kompanisë së Gardës Revolucionare të Iranit. Pasi Ali Aliabadi është një ish-komandant i Gardës Revolucionare dhe tani sipërmarrës i madh në Iran, që e ka të gjithë partneritetin me qeverinë. Hetimi ndërkombëtar i kësaj afere është një domosdoshmëri jo vetëm pse kemi të bëjmë me falangat mafioze të Shqipërisë, por edhe të dy kontinenteve.”, tha Berisha.

I pyetur nëse faktet për Veliajn do t’i dorëzojë në SPAK, Berisha tha: Po i jap foto të tjera sa të dojë Veliajt, drejtori i policisë së bashkisë, ka qenë si këta, me ata rrinë gjithë kohën. Çfarë do ky që shkon në Teheran? S’ka dhënë një herë një përgjigje. Pse del tani Alberto në ortakëri me Mampnën? Burime thonë se këtu bëhen riciklim i parave të Gradës Revolucionare, por lidhja iraniane e Veliajt, nuk është një zbulim i shërbimeve shqiptare, por i atyre partnere. Veliaj ka qenë 100% në Teheran, se na është thënë zyrtarisht, ka shkuar dhe Rama, por ai shkoi në internacionale socialiste sepse ishte organizuar një aktivitet në Teheran. Rama nuk di të ketë shkuar më shumë se dy herë.

Farksion.com