Furgoni me nxënës bie nga 100 metra lartësi, pamjet nga aksidenti në Bulqizë!

Një furgon me nxënës në Bulqizë doli nga rruga dhe më pas u përplas. Policia e Bulqizës bën me dije se janë lënduar 5 nxënës dhe shoferi. Ngjarja ka ndodhur rreth orës 15:20, në aksin rrugor rural që lidh qytetin e Bulqizës me zonën e antenave. Pak çaste më parë kanë dalë edhe pamje nga momentin kur ishte rrëzuar furgoni në 100 metra lartësi.

Njoftimi i policisë!

“Rreth orës 15:20, në aksin rrugor rural që lidh qytetin e Bulqizës me zonën e antenave, shtetasi Xh. S., duke drejtuar automjetin (furgon), ka humbur kontrollin mbi drejtimin e automjetit dhe automjeti ka dalë nga rruga.
Për pasojë, kanë mbetur të dëmtuar, jashtë rrezikut për jetën, drejtuesi i automjetit, shtetasi Xh. S., si dhe shtetasit E. P., A. C., Xh. P., E. D. dhe B. V. (pasagjerë në këtë furgon).
Në vendngjarje ndodhet grupi hetimor, i cili po punon për zbardhjen e rrethanave të këtij aksidenti.”

Fraksion.com