Pranga 58-vjeçarit në Vlorë, kanosi me pistoletë bashkëfshatarin

Parandalohet një konflikt me armë në Oshtimë të Vlorës, ndërsa në pranga ka rënë një 58-vjeçar.

Burime zyrtare nga policia bënë me dije se pas hekurave ra shtetasi Arben Stefa, pasi akuzohet se kanosi me armë zjarri bashkëfshatarin e tij.

Njoftimi i Policisë:

Finalizohet operacioni policor i koduar “Selevec”.

Falë ndërhyrjes në kohë nga shërbimet e Komisariatit të Policisë Vlorë, parandalohet përshkallëzimi i mëtejshëm i një konflikti me armë zjarri.

Sekuestrohen arma e zjarrit pistoletë dhe municion luftarak.

Shërbimet e Komisariatit të Policisë Vlorë, pas marrjes së njoftimit për një konflikt me armë zjarri, në fshatin Panaja, në vendin e quajtur “Selevec”, kanë organizuar dhe finalizuar operacionin policor të koduar “Selevec”, për parandalimin e përshkallëzimit të konfliktit.

Në kuadër të këtij operacioni, falë ndërhyrjes në kohë të shërbimeve të Policisë u bë i mundur parandalimi i përshkallëzimit të konfliktit dhe arrestimi në flagrancë i shtetasit:

– A. S., 58 vjeç, banues në fshati Oshtimë, Vlorë.

Shtetasi A. S., gjatë një konflikti për motive pronësie, ka kanosur me armë zjarri pistoletë, shtetasin N. H., 58 vjeç, banues në fshatin Oshtimë, Vlorë.

Në cilësinë e provës materiale u sekuestruan arma e zjarrit pistoletë dhe një sasi fishekësh.

Materialet i kaluan Prokurorisë, për veprime të mëtejshme procedurale.

Fraksion.com