“Do të përpiqem të përmbahem, por për Monikën nuk ta garantoj”, Meta pyetet për podcast si Rama e Berisha

Kreu i Partisë së Lirisë Ilir Meta, ka publikuar një foto në “Facebook” me gazetaren e njohur Fatma Haxhialiua.

Bashkangjitur fotos, Meta shprehet se është pyetur nga gazetarja lidhur me podcastet, për të cilën thotë se kryefjalë  e bisedës ishin edhe zgjedhjet e 14 majit që sipas kreut të PL do të sjellin ndryshimin e madh në vend.

“Mirë mëngjes nga unë dhe Fatma, e cila papritur më pyeti për podcastet. Unë i fola për Ndryshimin e madh të 14 Majit!”, shkruan Meta.

Gjithashtu, gazetarja Fatma ka publikuar edhe një video në ‘Instastory’ teksa me nota humori ka biseduar me kreun e PL, duke i kërkuar që të mos hapë një podcast, ndërsa Meta nga ana e tij është shprehur se do të përpiqet të mos përfshihet.

 

 

Pjesë nga biseda në ‘Instastory’:

Fatma: Më premtoni se do të ketë nga ju një podcast?

Meta: Do të përpiqem

Fatma: Jo do të përpiqem, ma garantoni

Meta: Do të përpiqem të përmbahem, por për Monikën nuk ta garantoj

Fatma: Monikën nuk ka gjë, ja kemi falur. Nga ju nuk ka një podcast?

Meta: Do të përpiqem, por nuk ta garantoj

Kujtojmë se ish-kryeministri Sali Berisha dhe kryeministri Edi Rama bënë me dije se tashmë komunikimi me qytetarët do të jetë nëpërmjet podcast-it.

 

Fraksion.com