Britania e Madhe bllokon transmetimin e takimit të OKB-së, në të cilën do të flasë komisionerja ruse e fëmijëve

Mbretëria e Bashkuar ka bllokuar një transmetim në internet të një takimi të OKB-së të mërkurën, në të cilin do të flasë komisionerja ruse për fëmijë Maria Lvova-Belova.

Ajo akuzohet për krime lufte nga Gjykata Ndërkombëtare Penale (ICC) për një skemë të dyshuar për të dëbuar fëmijët ukrainas.

Rusia ka thirrur takimin jozyrtar për të diskutuar “evakuimin” e fëmijëve ukrainas nga zona e luftës.

“Ajo nuk duhet t’i lejohet një platformë e OKB-së për të përhapur dezinformata,” shkroi misioni i Mbretërisë së Bashkuar në OKB në Twitter.

“Nëse Maria Lvova-Belova dëshiron të japë llogari për veprimet e saj, ajo mund ta bëjë këtë në Hagë”.

Një përfaqësues rus në OKB, Dmitry Polyanskiy, u përgjigj në Twitter duke thënë: “[Vendet perëndimore] sigurisht që do të preferonin të vazhdonin të përhapnin gënjeshtra dhe falsifikime mbi gjoja “vjedhjet e fëmijëve” të Rusisë nga Ukraina. Takimi ynë po kërcënon këtë tregim të rremë dhe prandaj është si një kockë në fyt”.

Ai gjithashtu premtoi hakmarrje, duke thënë se “si një lëvizje pasqyrë, Rusia që tani e tutje do të bllokojë transmetimet në internet të OKB-së për të gjitha takimet e ngjashme duke cituar “klauzolë të censurës në Mbretërinë e Bashkuar”.

Britania tha gjithashtu se ambasadori i saj nuk do të merrte pjesë në takim.

Sipas misionit të Rusisë në OKB, seanca do të mbahet në ora 10:00 të mëngjesit të së mërkurës në Nju Jork. Fjala e Maria Lvova-Belova pritet të shfaqet virtualisht.

Rusia mori presidencën e Këshillit të Sigurimit të OKB-së më 1 prill.

Fraksion.com