Ankand për skulpturën e banorëve të Big Brother, të ardhurat shkojnë për familjen e Pal Kolës!
Skulptura “Ëndrra vazhdon” është një vepër arti e realizuar nga banorët e Big Brother Vip, veçanërisht Dea Mishel, pas ngjarjes që tronditi Top Channel.
Me një portret të realizuar jashtëzakonisht bukur e të rrethuar me yje që shndrijnë, vepra artistike e cila mban edhe firmat e banorëve, po transmetohet live në Top Channel.
Vepra po promovohet në programin “Artkand” me Jetona Koçibellin, nga shtëpia e Big Brother.
Të ardhurat e kësaj vepre do të shkojnë për familjen e punonjësit të sigurisë së Top Channel Pal Kola, i cili humbi jetën më 27 mars si pasojë e një sulmi terrorist ndaj medias më të madhe në vend.
Ankandi do të zgjasë deri të martën dhe deri më tani kanë ardhur oferta deri në 5 mijë euro. Ofruesi më i mirë do të ketë mundësinë të takojë banorët e Big Brother.
Fraksion.com
