Pentagoni: SHBA ka trajnuar më shumë se 7000 trupa ukrainase deri më sot

Më shumë se 7,000 trupa ukrainase janë trajnuar nga forcat e Shteteve të Bashkuara që nga fillimi i pushtimit rus vitin e kaluar, tha zëdhënësi i Pentagonit, gjeneralbrigade Patrick Ryder të enjten.

Këtë javë, 65 ukrainas që po stërviteshin në sistemin e mbrojtjes ajrore Patriot në Fort Sill, Oklahoma, u kthyen në Evropë pasi përfunduan atë trajnim.

Ryder tha gjithashtu se më shumë se 4,000 ushtarë ukrainas do të kenë përfunduar trajnimin e kombinuar të armëve në Gjermani në fund të këtij muaji, duke përfshirë dy brigada – njëra e pajisur me automjete luftarake Bradley dhe tjetra me automjete Stryker.

“Trajnim shtesë i kombinuar i armëve është duke u zhvilluar aktualisht në zonat e trajnimit Grafenwoehr dhe Hohenfels në Gjermani, me dy batalione të motorizuara të këmbësorisë që përbëhen nga 1200 personel të Forcave të Armatosura të Ukrainës”, tha Ryder.

Fraksion.com