AktualitetEkonomiTë fundit

Ulet nafta, rritet benzina

Ndryshojnë sërish çmimet e karburanteve në vend. Në mbledhjen e kësaj të martë, Bordi i Transparencës ka vendosur të ulë me 3 Lekë çmimin e naftës.

Në pikat e karburanteve një litër naftë do tregtohet me 184 Lekë nga 187 që ishte vendosur në 23 Mars.

Ndërsa benzina është rritur me 1 Lek. Në pikët e karburanteve një litër benzinë do të tregtohet me 186 Lekë nga 185 që ishte më parë.

Çmimi i gazit ka mbetur sërish i pandryshuar, duke u tregtuar me 75 Lekë. Bordi i Transparencës thotë se për caktimin e çmimeve i është përmbajtur me përpikmëri lëvizjes së bursës Platts të Mesdheut për gazoilin, benzinën dhe faturave zyrtare të operatorëve.

Ndërkohë në bursat ndërkombëtare çmimi i “arit të zi” ka zbritur në nivele historike. Një fuçi naftë e papërpunuar në bursën e Teksasit kapi vlerën e 72 Dollarëve dhe 78 Dollarë në atë të Londrës.

Rekordi u shënua javën e shkuar kur nafta në bursa u shit deri në 66 Dollarë për fuçi.

 

Fraksion.com