“Pelegrinazhi i shenjtë”, Rama publikon foton nga kisha në Laç: E marta e shenjtë e “Shën Ndout”

Kryeministri Edi Rama ka publikuar në rrjetet sociale një foto nga kisha e “Shën Ndout” apo siç njihet ndryshe si kisha e Laçit.

Rama uroi të gjithë në këtë të marte të shenjta të “Shën Ndout”.

Kisha e “Shën Ndout” në Laç prej vitesh është kthyer në vendin i cili bën bashkë qytetarë  të të gjitha besimeve si shenjë e tolerancës dhe harmonisë fetare që ekziston në Shqipëri.

Të gjithë besimtarët nga qytete të ndryshme i drejtohen Kishës së Laçit çdo të marte në shenjë sakrifice, falenderimi dhe lutjeje për një jetë të mbarë, shëndet dhe plotësimin e dëshirave.

Pelegrinazhi i shenjtë i 13-të të martave përfundon në datat 12 dhe 13 qershor që është dhe festa e këtij Shenjti.

Kjo kishë e cila daton që nga shekulli XIII për të gjithë pelegrinët është kthyer në burim besimi, shprese dhe dashurie.

Fraksion.com