Sekretari amerikan i mbrojtjes thotë se ka folur në telefon me homologun e tij rus

Sekretari i Mbrojtjes Lloyd Austin tha të mërkurën se kishte folur në telefon me homologun e tij rus, ministrin e Mbrojtjes Sergei Shoigu pas një përplasjes që detyroi një dron amerikan të rrëzohej në Detin e Zi.

Ai nuk ka dhënë detaje rreth bisedës.

Austin tha se dy avionë rusë hodhën karburant në dronin amerikan MQ-9 që po “kryente operacione rutinë” të martën në hapësirën ajrore ndërkombëtare. Më pas, një avion “godi avionin tonë MQ-9, duke rezultuar në një përplasje”. Rusia ka mohuar se ka pasur kontakt të drejtpërdrejtë me dronin.

Avionët rusë u përfshinë në “sjellje të rrezikshme, të pamatur dhe joprofesionale në hapësirën ajrore ndërkombëtare mbi Detin e Zi”, tha sekretari.

Incidenti është pjesë e një modeli të sjelljes “agresive, të rrezikshme dhe të pasigurt” nga Rusia, shtoi Austin.

Fraksion.com