Pentagoni: Gjenerali i lartë amerikan pritet të bisedojë me homologun rus

Gjenerali më i lartë amerikan pritet të flasë me homologun e tij rus të mërkurën, thotë një zyrtar amerikan i mbrojtjes për CNN, një ditë pasi një avion rus u përplas me një dron amerikan mbi Detin e Zi në hapësirën ajrore ndërkombëtare.

Kreu i Shefave të Përbashkët Gjeneral Mark Milley pritet të flasë me shefin e Shtabit të Përgjithshëm rus, gjeneralin Valery Gerasimov, me telefon të mërkurën, pasi SHBA dhe Rusia publikuan rrëfime të ndryshme për incidentin mbi Detin e Zi.

Dy krerët ushtarakë nuk kanë folur që nga fundi i dhjetorit.

Është e paqartë nëse Sekretari i Mbrojtjes Lloyd Austin do të flasë edhe me homologun e tij rus, ministrin e Mbrojtjes Sergei Shoigu. Biseda të tilla shpesh ndodhin së bashku, me gjeneralët e lartë që mbajnë një bisedë pasi sekretari i mbrojtjes dhe ministri i mbrojtjes kanë folur.

Fraksion.com