Brenda pak javësh Polonia mund t’i dërgojë Ukrainës avionë luftarakë MiG-29

Kryeministri i Polonisë, Mateusz Morawiecki, tha se Qeveria e tij mund t’i dërgojë në Ukrainë avionët e saj luftarakë MiG-29 – avionë të prodhimit sovjetik – “brenda katër deri në gjashtë javët e ardhshme”.

Udhëheqësit e Polonisë thanë javën e kaluar se dërgimi i avionëve luftarakë do të bëhej vetëm brenda një koalicioni më të madh ndërkombëtar.

Morawiecki nuk sqaroi nëse ka edhe vende tjera tjera që do ta ndiqnin këtë shembull.

Gjatë bisedimeve në Paris më 8 shkurt, presidenti ukrainas, Volodymyr Zelensky, u bëri thirrje në mënyrë specifike liderëve perëndimorë që të siguronin avionë luftarakë për t’u përballur me forcat ajrore ruse.

Sllovakia ka deklaruar gjithashtu gatishmërinë që t’ia japë flotën e saj të MiG-29 Ukrainës, në një këmbim të mundshëm të avionëve të tjerë, teksa Kievi po vazhdon të luftojë pushimin rus.

Flota me MiG-29 që ka Sllovakia besohet se është në vlerë prej 300 milionë dollarësh.

Më 11 mars, mediat në Finlandë raportua se kryeministrja Sanna Marin është e gatshme të diskutojë sigurimin e avionëve luftarakë për Ukrainën.

Një javë më herët, kryeministri i Letonisë, Krisjanis Karins, tha se është në favor të furnizimit të Ukrainës me avionë luftarakë.

Edhe presidenti francez, Emmanuel Macron, tha se Franca nuk e përjashton dërgimin e tyre nëse plotësohen disa kushte.

Por, Shtetet e Bashkuara të Amerikës dhe Gjermania u shprehëm kundër kësaj kërkese.

Kancelari gjerman, Olaf Scholz, tha se Gjermania nuk do të dërgojë avionë luftarakë në Ukrainë.

Gjithashtu, presidenti amerikan, Joe Biden, tha se SHBA-ja nuk do të dërgojnë avionë luftarakë F-16 në Ukrainë.

Forca ajrore e Ukrainës është familjarizuar me MiG-29 dhe mund t’i përdorë avionët menjëherë.

Fraksion.com