“PD e vërtetë është ajo ku aderon anëtarësia”; Përfaqësuesi ligjor i grupit të Berishës pas vendimit të KQZ: Kërkojmë zbardhjen e vendimit

Ledio Nurja, përfaqësuesi ligjor i grupimit të Sali Berishës, ka dhënë një deklaratë për mediat pas vendimit të marrë nga KQZ për mos regjistrimin e grupimit të Alibeajt për zgjedhjet lokale të 14 majit.

“Vula simbolet dhe PD janë në dorën e anëtarësisë. PD e vërtetë është ajo ku aderon anëtarësia e saj pres 32 vitesh me kryetar Berishën. Kemi kërkuar vendimi i sotëm të zbardhet që të kemi ankimim në KAS”, ka deklaruar ai.

Ledio Nuraj gjithashtu i ka kërkuar KQZ që të regjistrohet PD e Berishes për zgjedhjet e 14 majit. Ai tha se KAS ka thënë që Celibashi nuk ka marrë një vendim për kërkesën e Berishës.

“Në lidhje me kërkesën me kryetar Sali Berishën do të kërkonim regjistrimin si subjekt zgjedhor në zgjedhjet e 14 majit. Ju vendosët 48 orë për plotësim dokumentacioni. KAS arsyetoi që ka qenë vendim i ndërmjetëm i Komisionerit në lidhje me pjesëmarrjen e Partisë Demokratike apo jo. Unë mbaj qëndrim që nuk kemi çfarë dokumentacioni të plotësojmë. Ne kemi dërguar dokumentacionin në përputhje me Kodin Zgjedhor”, tha Nuraj.

Fraksion.com