ÇKontroll shtëpisë së partneres së ish-ministrit Ahmetaj, gjenden 30 mijë euro
Shtëpia e partneres së ish-ministrit të Financave, Arben Ahmetaj po kontrollohet këtë mbrëmje nga Byroja Kombëtare e Hetimit.
Ish-ministri dhe ish-zëvendëskryeministri Arben Ahmetaj është i përfshirë në çështjen e inceneratorëve.
Udhëtimet e kushtueshme të ish-ministrit Ahmetaj me partneren e tij, janë paguar nga Klodian Zoto, pronarit të shoqërisë koncensionare të inceneratorëve.
Po këto nuk janë pushimet e vetme që Ahmetaj ka marrë si dhuratë nga Klodian Zoto. Gazetari Doçi, ka publikuar pagesat e reja të Klodian Zotos për Arben Ahmetajn dhe ish-bashkëshorten e tij të parë në Pisa, Vjenë dhe Maltë.
Nëse dokumentet e publikuara në dhjetor 2022 konfirmonin se Zoto ka paguar akomodimin në hotele partneres së Ahmetajt, Erjola Hoxha, faturat e publikuara sot, sipas Doçit konfirmojnë se Klodian Zoto bosi i inceneratorëve, ka mbuluar udhëtimet edhe të ish-bashkëshortes së Ahmetajt si dhe të vetë Ahmetajt.
Pasi ish-ministri ka firmosur në 14 prill 2014 për koncensionin e inceneratorëve në cilësinë e ministrit të Ekonomisë dhe më pas ka lëvruar fondet publike në cilësinë e ministrit të Financave, Zoto i ka kthyer reston, duke i mbuluar shpenzimet Ahmetajt, ish-bashkëshortes si dhe partneres. Pagesat e Klodian Zotos për mbulimin e udhëtimeve dhe akomodimin në hotele me 5 yje të Ahmetajt dhe bashkëshortes së tij, i përkasin periudhës 2015-2016. Me paratë e inceneratorëve, çifti Ahmetaj ka vizituar simbolet turistike të Evropës. Udhëtimet dhe akomodimet në hotele luksoze përkojnë me hyrje-daljet e shënuara në sistemin TIMS.
Faturat e hoteleve me 5 yje për Ahmetajn dhe partneren e tij, përkojnë kryesisht me fundjavat. Për këto fatura, dy prokurorët e SPAK që po hetojnë dosjen, nuk e kanë thirrur në asnjë moment të vetëm Arben Ahmetajn për ta pyetur.
Fraksion.com
