NATO dërgon autobusë në Qendrën e Trajnimit të Grave Ushtarake të Jordanisë

Për gratë ushtarake të Forcave të Armatosura të Jordanisë, mungesa e transportit mund të kufizojë trajnimin e tyre profesional dhe zhvillimin e karrierës. Për të adresuar këtë mungesë, dy autobusë me 23 vende iu dorëzuan Qendrës së Trajnimit të Grave Ushtarake (MWTC) të Forcave të Armatosura Jordaneze në Zarqa të dielën (5 mars 2023), si pjesë e paketës së NATO-s për Ndërtimin e Kapaciteteve Mbrojtëse (DCB) për Jordaninë.

Dorëzimi u bë në prani të përfaqësuesve nga Australia dhe Holanda si vende donatore, Rumania në cilësinë e Ambasadës së Pikës së Kontaktit të NATO-s në Jordani, si dhe përfaqësuesve të NATO-s dhe komandantit të MWTC.

Autobusët do të ndihmojnë në mbulimin e distancës 8 kilometra midis Qendrës dhe fshatit të trajnimit të Nënoficerëve (NCO), ku zhvillohen të gjitha trajnimet e avancuara logjistike, menaxhimit të burimeve njerëzore dhe armëve, por ku nuk ka ambiente akomodimi për gratë ushtarake.

Duke lehtësuar aksesin në trajnime dhe arsimim, këta autobusë do të kontribuojnë gjithashtu në përpjekjet e Jordanisë për të rritur numrin e grave në forcat e armatosura dhe për të mbështetur aksesin e grave në pozitat drejtuese në ushtri.

Qendra e Trajnimit të Grave Ushtarake u krijua nën iniciativën e DCB të NATO-s dhe është funksionale që nga nëntori 2020. Nisma e DCB e NATO-s filloi në shtator 2014 në Samitin e NATO-s në Uells. Ajo i ndihmon partnerët të përmirësojnë kapacitetet e tyre të mbrojtjes dhe të sigurisë, si dhe qëndrueshmërinë e tyre, dhe, për rrjedhojë, kontribuon në sigurinë e Aleancës. Jordania ka qenë marrëse e nismës që nga fillimi i saj në 2014./M.G

Fraksion.com