Kush ishte ushtaraku shqiptar që humbi jetën në aksidentin, në Kroaci

Korbi punonte në Komandën e Forcës Ajrore në Shqipëri. Mesa duket ai punonte edhe si shofer autobusi, duke qenë se nuk mund ta mbante familjen e tij me rrogën e ushtrisë. Ai la pas bashkëshorten dhe dy fëmijë të vegjël.

Ministri i Mbrojtjes Niko Peleshi i ka dërguar një mesazh ngushëllimi familjes së Gazmir Korbit.

Përmes postimit në Facebook, Peleshi i prekur nga ky lajm tragjik i ka shprehur ngushëllime, gjithashtu edhe kolegëve të ushtarakut të forcave ajrore.

“I dhimbshëm lajmi i ndarjes nga jeta të Gazmir Korbit, në aksidentin e ndodhur në Kroaci. Ai nuk mundi të kthehej më mes kolegëve të tij në kompaninë e mbështetjes në Komandën e Forcës Ajrore pas lejes së zakonshme. Ngushëllime familjes për këtë humbje të madhe dhe të parakohshme!”

Autobus me targa shqiptare u aksidentua rëndë në Kroaci, në rrugën kombëtare atje Split-Zagreb. Një person ka ndërruar jetë 9 të tjerë janë plagosur. Gazmir Korbi është shqiptari që ndërroi jetë.

Nga aksidenti mbetën të plagosur 9 pasagjerë, përfshi këtu dhe shoferin që drejtonte mjetin,

Po ashtu një grua, Naile Bajraktari, ndodhet në gjendje të rëndë, në reanimacion, në spitalin e Ogulinit.

Ndërsa dy pasagjerë të tjerë janë identifikuar si Armand Shaba dhe Ylli Muça.

Shoferi i autobusit humbi kontrollin për shkak të dëborës në rrugë dhe u përplas me një barrierë anësore. Nga aksidenti një pasagjer humbi jetën ndërsa 9 të tjerë mbetën të plagosur.

Fraksion.com