Ish-presidenti rus thotë se vendi duhet t’i shtyjë kufijtë e tij “sa të jetë e mundur”

Rusia duhet t’i shtyjë kufijtë e saj “sa më shumë të jetë e mundur”, tha ish-presidenti rus dhe zëvendëskryetari i Këshillit të Sigurimit të Federatës Ruse Dmitry Medvedev në përvjetorin e një viti të pushtimit të saj në Ukrainë.

“Është kaq e rëndësishme të arrihen të gjitha qëllimet e ‘operacionit special ushtarak’,” tha Medvedev në një postim në Telegram të premten, duke përdorur termin që Rusia përdor për të përshkruar luftën e saj kundër Ukrainës.

“Shtyjini kufijtë e kërcënimeve ndaj vendit tonë sa më shumë që të jetë e mundur, edhe nëse këta janë kufijtë e Polonisë”, tha ai, duke iu referuar demarkacioneve më perëndimore të Ukrainës.

Medvedev tha se Rusia do të arrijë një fitore kundër Ukrainës. Ai shtoi se “ne të gjithë duam që kjo të ndodhë sa më shpejt që të jetë e mundur. Dhe ajo ditë do të vijë. Ne do t’i kthejmë territoret tona dhe do t’i mbrojmë njerëzit tanë me siguri.”

Fraksion.com