Horoskopi ditor e martë 21 shkurt 2023

Ky është horoskopi  ditor për ditën e sotme e martë 21 shkurt 2023. Parashikimi për punën, shëndetin dhe  ndjenjat, si do të ecë dita për të lindurit e çdo shenje.

Dashi

Jeta juaj do jetë shumë intensive sot. Hëna dhe Plutoni do ju bëjnë edhe më të ndjeshëm dhe do mendoni gjithë kohës si ta bëni çdo moment sa më të veçantë. Nëse keni një lidhje gjeni disa orë kohë, qëndroni pranë partnerit në vende të qeta dhe flisni për të kaluarën. Në këtë mënyrë do njiheni edhe më mirë dhe do afroheni më tepër. Nëse jeni beqarë do përjetoni ndjesi shumë të forta pas një takimi të ndodhur si me magji. Miqtë kanë gisht në çdo gjë. Çështjet profesionale do ndjekin rrjedhën e duhur dhe nuk do përbëjnë më asnjë lloj problemi. Gjendja financiare do përmirësohet në mënyrë të jashtëzakonshme.

Demi

Sot do iu druheni ndryshimeve, por në fakt çdo gjë do shkojë për mrekulli dhe vizione të tjera do iu hapen. Për ju që keni një lidhje do jetë ditë e begatë kjo e sotmja. Do ja kaloni për mrekulli në krahët e partnerit tuaj dhe emocionet do shtohen moment pas momenti. Nëse jeni beqarë do dini si ta joshni dikë që do pëlqeni dhe shume shpejt do fillojnë edhe një lidhje me te. Në punë do keni kohën e nevojshme për t’u menduar, për të diskutuar e për të vendosur. Me shumë gjasë rezultatet që do arrini të jenë pozitive. Problemet financiare do i zgjidhni sa hap e mbyll sytë falë përkushtimit të madh që do tregoni. Bravo për çdo përpjekje.

Binjakët

Ka rrezik që rutina ta pushtojë jetën tuaj gjatë kësaj dite dhe ajo do rëndojë pafundësisht tek ju. Shpesh do ndiheni edhe pa rrugëdalje. Nëse jeni në një lidhje, çdo gjë do ecë mirë. Edhe në ndonjë rast debati të vogël do dini si të dilni gjithmonë nga situata dhe do ruani qetësinë. Nëse jeni beqarë do keni një ditë të mbushur me mundësi për aventura të jashtëzakonshme, por do jetë në dorën tuaj nëse do përfitoni apo jo. Në punë duhet të bëni pak kujdes sepse vetëm ashtu do e ndërtoni rrugën e duhur nga e cila mund të arrini shumë lart. Buxheti nuk do jetë në gjendjen më të mirë të mundshme kështu që kujdes me çdo lloj shpenzimi.

Gaforrja

Dëshira juaj për të dominuar mbi të tjerët do jetë mbizotëruese sot. Shpesh kjo do krijojë probleme të shumta. Për ju që keni një lidhje do jetë një ditë e paqëndrueshme kjo e sotmja. Në shumë momente do ziheni keq me partnerin dhe mund të thoni gjëra të gabuara. Nëse jeni beqarë, edhe pse do keni disa njohje të reja, nuk do ndihen ende gati për të hedhur hapa të rëndësishme. Në punë do kërkoni gjithë kohës të jeni mbi të tjerët, por në fakt nuk do i keni të gjitha aftësitë e duhur. Mendjemadhësia vetëm sa do ju prishë punë. Për fatin e mirë në planin financiar nuk do keni për çfarë të ankoheni. Gjendja do ketë edhe më shumë përmirësime nga sa mendonit.

Luani

Humori juaj do ndryshojë herë pas here sot dhe do kaloni si momente pozitive ashtu edhe negative. Nëse keni një lidhje e nuk mundoheni t’i imponoheni tjetrit e nuk i thoni gjëra që mund ta lëndojnë, jeta juaj ka për të ecur më së miri. Ju beqarët do jeni të logjikshëm dhe nuk do hidhni asnjë hap pa qenë të sigurtë. Në punë do jeni më të gatshëm të ndërmerrni iniciativa dhe të rrezikoni ndonjëherë vetëm për të arritur më të mirën. Buxhetin do vazhdoni ta menaxhoni me shumë kujdes dhe përpikmeri kështu që situata do vijë nga ora në orë duke u stabilizuar e duke u përmirësuar.

Virgjëresha

Organizimi do jetë sfida juaj më e vështirë gjatë kësaj dite. Do mundoheni gjithë kohës të vendosni rregull në idetë tuaja dhe në çështjet më të rëndësishme. Jeta juaj në çift do jetë plotësisht e qetë dhe pa asnjë lloj shqetësimi. Do jeni bashkëpunues dhe të logjikshëm në çdo çast. Ju beqarët do keni plot mundësi për aventura, por do i refuzoni dhe do preferoni të presin për historitë serioze. Në punë do jetë ditë paksa delikatë, megjithatë me më shumë përpjekje mund të arrini ta stabilizoni situatën. Në planin financiar do keni goxha probleme dhe mund të gjendeni në situata të vështira. Për fat miqtë dhe familjaret nuk do ju lënë në baltë.

Peshorja

Asgjë nuk do jetë e thjeshtë për ju gjatë kësaj dite madje në shumë raste do gjendeni përballë zgjedhjesh goxha të vështira. Nëse keni një lidhje, zemra nuk do ndihet shumë mirë. Partneri do ju bëjë disa kritika që nuk do ju pëlqejnë dhe do trishtoheni. Më vonë keni për ta kuptuar se gjithçka është bërë për të mirën tuaj. Ju beqarët duhet të prisni ende pak kohë para se të hidhni hapa, pasi tani për tani nuk do jeni gati. Në punë do jetë ditë paksa e lodhshme. Pranojeni mbështetjen që do iu japin disa kolegë sepse do e keni me të vërtetë të nevojshme. Financat nuk do jenë aspak të mira kështu që as mos mendoni të kryeni njëherë për njëherë shpenzime të mëdha.

Akrepi

Mos kërkoni të keni gjithë kontrollin mbi të tjerët sot sepse do ju dalin probleme shumë të mëdha. Ruani sa të mundeni qetësinë. Ju të dashuruarit do keni një ditë të qëndrueshme. Secili do mbajë përgjegjësitë e veta dhe do kujdeset që atmosfera të jetë gjithmonë e këndshme. Ju beqaret do ndiheni më në fund gati për të tentuar e për të provuar eksperienca të reja. Emocionet do shtohen ore pas ore. Në punë mund t’iu bëhet një propozim, i cili duhet menduar mirë. Mos jepni përgjigje përfundimtare pa qenë të bindur për atë që doni të bëni. Buxheti ka për të qenë shumë herë më i mirë se më parë. Do jeni më të lumtur kur të bëni edhe ndonjë shpenzim më shumë.

Shigjetari

Falë Diellit sot do keni një jetë shumë të lumtur. Do ndiheni aq mirë saqë ndonjëherë nuk do e besoni dot se jeni në realitet. Fale ndikimit të Hënës, ju që jeni në një lidhje, nuk do keni asnjë lloj problemi. Nga ana tjetër dita nuk ka për të qenë aspak rutinë pasi të dy palët do mendoni të bëni diçka ndryshe. Nëse jeni beqarë do keni shumë ngarkesë në punë dhe duke u marrë me të nuk do e keni mendjen aspak tek jeta sentimentale. Në punë përveç ideve të mira nuk do ju mungojë as fati. Përfitoni sa më shumë sepse rralle mund të vijnë ditë të tilla. Çështjet financiare do favorizohen tej mase. Do ndiheni mirë kur situata të përmirësohet.

Bricjapi

Situata në të cilën do ndodheni gjatë kësaj dite do kërkojë realizëm. Mos u ndikoni nga emocionet sepse do gaboni. Nëse keni një lidhje mos ushtroni asnjë lloj presioni tek partneri sepse mund të keni probleme dhe debate të forta. Secili ka të drejtën të veprojë sipas mënyrës së vet dhe me detyrim nuk mund të behet asgjë. Nëse jeni beqarë do keni më shumë se kurrë nevojë të ndiheni të dëshiruar dhe të merrni komplimente. Yjet do ua plotësojnë dëshirat. Në punë vërtet do jeni goxha të ngarkuar, por kjo nuk do ju trembë aspak. Përkundrazi kjo situatë do ju shtyjë të bëni akoma më shumë përpjekje. Në planin financiar do reflektoni disa herë para se të hidhni hapa dhe nuk do keni probleme.

Ujori

Gjatë ditës së sotme do ju mungojë shpesh vendosmëria dhe mund të ndiheni të përhumbur. Jo të gjithë planetët do i keni në krah. Për ju që keni një lidhje ka rrezik që marrëdhënia juaj me partnerin të ftohet. Nuk do jeni të gatshëm për t’ia plotësuar çdo dëshirë atij që keni në krah dhe në shumë momente do e lini vetëm. Ju beqarët do bëni mirë të mos luani shumë me zjarrin sepse do digjen keq dhe do e ndieni dhimbjen gjatë. Në punë do mundoheni të mos hidhni hapa kuturu, por do bëni përpjekje për të vendosur disa piketa para fillimit të gjithckaje. Për të përmirësuar buxhetin nuk duhet të fiksoheni tek lojërat e fatit sepse në një moment mund të fitoni dhe në tjetrin do humbisni shumë.

Peshqit

Sot do keni vërtet shumë nevojë për qetësi. Qëndroni më shumë me personat e dashur dhe thjesht flisni me ta dhe përqafojini. Ngrohtësinë e tyre nuk mund t’ua falë askush tjetër. Venusi do e privilegjoje jetën tuaj në çift dhe në çdo moment do përjetoni vetëm emocione pozitive. Nëse keni kohë që po mendoni për një fëmijë më në fund do merrni lajmin e gëzuar. Ju beqarët do jeni shumë të kujdesshëm për pamjen e jashtme dhe do merrni plot ftesa. Në punë do i merrni gjërat shtruar dhe nuk do nxitoheni të hidhni hapa për gjëra që nuk jeni shumë të bindur. Të ardhurat do kenë disa përmirësime të vogla, megjithatë jo aq sa për të kryer investime ekstravagante.

 

Fraksion.com