Horoskopi ditor e premte 17 shkurt 2023

Ky është horoskopi  ditor për ditën e sotme e premte 17 shkurt 2023. Parashikimi për punën, shëndetin dhe  ndjenjat, si do të ecë dita për të lindurit e çdo shenje.

Dashi

Sot do jeni shumë të ndjeshëm dhe do dëshironi e do refuzoni të jetoni në një ambient të mbushur me debate e probleme. Ju të dashuruarit do jeni shumë të logjikshëm dhe do arrini të mbani një marrëdhënie të ngrohtë me partnerin. Në fakt edhe ai do tolerojë dhe do mundohet t’iu shprehë ndjenjat sa më shumë. Nëse jeni beqarë nuk do keni flirte dhe aventura kalimtare, por do afrohen me shume me një person që ka kohë që ju studion dhe kërkon lidhje serioze me ju. Në punë ka rrezik të ndiheni nën trysni për shkak të rivalitetit dhe arritjeve të mëdha të kolegëve. Financat do përmirësohen nga fitimi i një lotarie.

Demi

Dite jo e mirë kjo e sotmja për të gjithë ju. Nëse keni një lidhje, debatet do jenë mënyra e vetme e komunikimit dhe për asnjë moment nuk do ndiheni të qetë. Mbrëmja në vend që të ngrohet do bëhet edhe me problematike dhe e zjarrtë. Ju beqarët ka mundësi të ndërmerrni shumë rreziqe për të ndryshuar statusin dhe ky do jetë një gabim me pasoja. Në punë asgjë nuk do ju trembë dhe do guxoni të provoni edhe gjëra në dukje të pamundura. Paratë do mbeten të mira për shkak të kujdesit, por edhe për shkak të mbështetjes së të afërmve.

Binjakët

Nëse nuk doni të keni probleme sot, mos lejoni të tjerët të marrin vendime në vendin tuaj dhe as ju mos e bëni këtë gjë në vendin e tyre. Ju të dashuruarit nuk do keni besim të plotë tek vetja dhe do ju duket sikur nuk jeni në lartësinë e duhur ndaj partnerit. Në fakt ai mendon të kundërtën për ju dhe mund t’iu bëjë edhe surprizë fantastike sot. Në punë trysnia do rritet dhe në disa momente do gjendeni në vështirësi të mëdha. Financat do i mbani gjatë gjithë kohës nën kontroll dhe do i frenoni shpenzimet.

Gaforrja

Tregohuni shumë të matur gjatë kësaj dite dhe mos hidhni hapa të pamenduara mirë. Nëse keni një lidhje mos pranoni çdo propozim të partnerit edhe sikur te jeni marrëzisht të dashuruar pas tij. Mendohuni për gjithçka me detaje dhe më pas vendosni. Nëse jeni beqarë do keni më shumë siguri në vetvete dhe do arrini të bëni për vete personin që pëlqeni. Në punë më në fund do ju hapen portat për një projekt që e keni dëshiruar prej shumë kohësh. Financat nuk do jenë të këqija, megjithatë për të siguruar edhe të ardhmen mirë është të shpenzoni me kursim.

Luani

Të nxitur edhe nga planetët sot do jeni gati për çdo gjë vetëm për të avancuar me ritme të shpejta kudo. Nëse keni një lidhje do përjetoni kënaqësi të paimagjinueshme si ju ashtu edhe ai që keni në krah. Do dini çfarë të bëni që marrëdhënia juaj të kalojë në ekstazë. Ju beqarët duhet ta mbroni pak veten nga disa persona intrigues dhe të bëni më shumë përpjekje për të joshur personat e qetë dhe pak të turpshëm. Në punë mund të rrini edhe me orë shtesë dhe të jeni më të ngarkuar, por rezultati final do ju kënaqë pafundësisht. Gjendja financiare do jetë goxha e kënaqshme.

Virgjëresha

Mësoni të jeni të duruar gjatë kësaj dite që të dilni më të fituar. Nëse keni një lidhje duhet të bëni të pamundurën që ta afroni edhe më shumë partnerin tuaj pas vetes. Nëse ja dilni do siguroni një të ardhme të shkëlqyer së bashku. Ju beqarët do jeni shumë energjikë dhe të gatshëm për të njohur sa më shumë persona. Në fakt kjo është një mënyrë e mirë për të afruar më të duhurin. Në punë mundet të bëni edhe gabime, por do keni guximin t’i pranoni dhe të merrni masa shpejt. Buxheti më në fund ka për të pasur përmirësimet e menduara.

Peshorja

Sot çdo gjë do ju duket e mundur falë ndikimit të Hënës. Përgjithësisht do jeni me humor të mirë dhe goxha liberalë. Nëse jeni në një lidhje nuk do i dramatizoni gjërat edhe sikur mes jush dhe partnerit të linde ndonjë konflikt i vogël. Në mbrëmje do kaloni momente edhe më të ngrohta. Ju beqarët ka rrezik të merrni edhe refuzime, por kjo nuk duhet t’iu demoralizojë dhe t’iu pengojë për të ecur më tej. Në punë nuk do keni as kohë të mërziteni. Ambicia do ju bëjë që të mos ndaleni asnjë moment dhe të mos e frenoni veten as para sfidave të vështira. Paratë do dini si t’i menaxhoni me kujdes dhe gjendja do jete goxha e mirë.

Akrepi

Ka rrezik që Hëna t’iu bëjë më të mbyllur sot dhe të keni frikë të tentoni. Ju të dashuruarit mund të keni keqkuptime me partnerin dhe në momentet më të papritura mundet edhe te hidhni hapa të nxituara. Dëgjojini miqtë sepse do ju flasin për mirë. Ju beqarët do joshni, por pa u nxituar. Në fakt mënyra juaj e të vepruarit do jetë e mirë dhe do sjellë rezultatet e pritura. Në punë, edhe pse qetësisht, do mundoheni të bëni gjithçka për të arritur më të mirën. Të gjithë do habiten si do arrini aq lart. Në planin financiar nuk do ju mungojë maturia dhe do e mbani gjendjen nen kontroll.

Shigjetari

Sot do jeni me humor shumë të mirë dhe do e merrni jetën pozitivisht. Nëse keni një lidhje, pavarësisht disa keqkuptimeve të vogla që mund t’iu ndodhin gjatë mesditës, mbrëmja ka për të qene e bukur dhe e mbushur me emocion. Aq sa do jepni edhe do merrni. Ju beqarët mos e lëshoni veten menjëherë edhe sikur dikush t’iu pëlqejë shumë sepse të tjerët mund të talleni më ju. Në punë do jeni fantastikë dhe mjaft produktivë. Çdo sfidë që do ndërmerrni do e përfundoni me sukses. Financat nuk do jenë të shkëlqyera, por ju do dini çfarë masash të merrni për t’i përmirësuar.

Bricjapi

Sapo të bëni një zgjedhje sot do jeni kokëfortë dhe nuk do e ndryshoni për asnjë lloj arsyeje. Nëse keni një lidhje ka rrezik t’iu lindin dyshime për partnerin dhe çfarëdo që t’iu thonë të tjerët ju nuk do rrini të qetë derisa të zbuloni të vërtetën. Nuk do e lëshoni veten sot e nuk do dashuroheni ashtu si do e ndieni. Nëse jeni beqarë nuk do keni konkretizim të dëshirave përkundrazi do kaloni një ditë të zakonshme. Në punë do reflektoni me shumë kujdes dhe do hidhni hapa të menduara me shume kujdes. Edhe në planin financiar do jeni të matur dhe nuk do keni asnjë lloj problemi.

Ujori

Sot shumë gjëra do ndryshojnë për ju dhe do modifikoni edhe prioritetet. Ka mundësi që të fillojë një tjetër ritëm për jetën tuaj. Nëse keni një lidhje partneri do jetë shumë orator dhe me pak veprues. Është tipi i tij, mos mendoni se ai në të vërtetë nuk ju do. Ju beqarët do keni të tjera pikësynime dhe nuk do ndiheni ende në momentin e duhur për të joshur dikë. Në punë do keni probleme me autoritetin e të tjerëve. Nuk do duroni dot që dikush t’iu japë urdhra dhe jo gjë mund të krijoje herë pas here debate. Financat do dobësohen paksa, por kjo gjë nuk duhet t’iu alarmojë.

Peshqit

Sot duhet të bëni çdo përpjekje të mundshme që jeta të ecë sa më mirë. Nëse keni një lidhje mos kërkoni sakrifica ekstreme nga partneri dhe as premtime boshe. Më mirë merrini gjërat sa më shtruar dhe qëndroni me këmbë në tokë. Nëse ende nuk keni një partner në krah përfitoni nga çdo mundësi që do iu jepet sot sepse kjo do jetë dita juaj. Në kompaninë ku punoni do jeni ju ata që do keni arritjet më të mëdha dhe lavdërimet e shefave do ju bëjnë shume krenarë për veten. Buxheti ka për të qeni i mjaftueshëm sa për të mos pasur vështirësi.

 

Fraksion.com