“Kuvendi, bunker i fjalës së ndaluar”, Berisha:Qeveritarët u vijnë një herë në katër vjet me thasët me euro për t’u marrë votën
Kryetari i Partisë Demokratike, Sali Berisha tha sot në protestën e tretë radhazi se parlamenti është shndërruar në një bunker të fjalës së lirë.
Sipas tij “ju protestoni sot për çdo shqiptar i cili beson pavarësisht se për cilën forcë politike ka votuar, beson se aty në parlament ata që përfaqësojnë opozitën janë për t’ia thënë të vërtetat në sy qeverisë. Ju protestoni sot për të gjithë ata shqiptarë të cilët dëgjojnë për një mori të pafundme aferash dhe duhet të dinë të vërtetën”.
“Pse ky Parlament nga tempull i fjalës së lirë është shndërruar në bunker të fjalës së ndaluar? Çdo hajdut që të futet në shtëpi për të vjedhur, nëse e kap në flagrancë, tenton edhe të të vrasë. Këta nuk futen në shtëpitë tona si banda, por futen në xhepat tonë, në taksat tona. Këta vjedhin natën, vjedhin ditën, vjedhin në terr, vjedhin çdo muaj e çdo vit. Këta i urrejnë qytetarët. Ata vijnë te ju njëherë në katër vite. Vijnë me thasët e mbushur me euro që ua kanë vjedhur ju. Ata vijnë për të blerë votat”, u shpreh Berisha.
“Ju nuk protestoni për disa deputetë të PD e as për partinë, por ju protestoni për çdo shqiptar i cili ka në vetëdijen e tij idealet e lirisë. Ju jeni këtu sot për çdo shqiptar i cili beson se parlamenti duhet të jetë tempulli i demokracisë jo bunkeri i fjalës së ndaluar. Për të gjithë ata shqiptarë dëgjojnë për një mori të pafundme aferash dhe dua të dinë të vërtetën e vjedhjeve. Për të gjithë ata shqiptarë që shkëpusin nga vetja fëmijët dhe i nisin në dhera të huaj. Për ata shqiptar që duan të besojnë se Shqipërinë duan ta bëjnë shqiptarët. Pse ky parlament nga tempull i fjalës është shndërruar në bunker të fjalës së ndaluar. Çdo hajdut që të futet në shtëpi, nëse e kap në flagrancë tenton edhe të vrasë, këta nuk futen në shtëpi, por në xhepat tona, taksat tona, në të gjitha pasuritë publike tuajt dhe shqiptarëve. Këta vjedhin natën, ditën, çdo javë çdo muaj e çdo vit. Njësoj si hajdutët që futen në shtëpi me urrejtje për atë që e vjedhin. Ata i urrejnë qytetarët, ata vijnë te ju njëherë në 4 vite me thasë me euro që ju kanë vjedhur ju ose i kanë siguruar nga bandat e tyre. Ky është revolucion i çdo shqiptari që nuk mund të pajtohet që rrugët në Shqipëri të ndërtohen 10 herë më shtrenjtë”- tha ndër të tjera Berisha.
Fraksion.com
