“Janë bllokuar në aeroportin e Seulit prej disa muajsh”, Koreja e Jugut do të shqyrtojë aplikimin për refugjatë të dy burrave rusë që i ikën detyrimit ushtarak

Një gjykatë e Koresë së Jugut ka vendosur në favor të shqyrtimit të kërkesave për statusin e refugjatit të dy nga pesë burrat rusë që kanë mbetur të bllokuar në Aeroportin Ndërkombëtar Incheon të Koresë së Jugut që nga tetori i kaluar pasi ikën nga rekrutimi.

Kërkesa e një personi të tretë u refuzua nga gjykata, ndërsa dy të tjerë janë ende në pritje të një vendimi për çështjet e tyre.

Ata u larguan nga Rusia pas urdhrit të qeverisë për mobilizimin ushtarak shtatorin e kaluar dhe kanë mbetur të bllokuar në aeroportin e Seulit për muaj të tërë pasi autoritetet refuzuan t’i pranonin.

Statusi i bllokuar: Tre nga burrat mbërritën në aeroport tetorin e kaluar dhe dy në nëntor, sipas avokatit të tyre Lee Jong-chan. Por meqenëse kërkesat e tyre për statusin e refugjatit u refuzuan nga Ministria e Drejtësisë e Koresë së Jugut, ata kanë qenë në sallën e nisjeve të aeroportit për muaj të tërë në pritje të një vendimi mbi apelin e tyre, sipas Lee.

Në një deklaratë për shtyp të martën, Lee përshëndeti vendimin e gjykatës dhe tha se ai shpreson që dy burrat rusë tani do të lejohen të hyjnë në vend sa më shpejt të jetë e mundur. Lee tha se mendonte se ishte “për të ardhur keq” që kërkesa e një personi u hodh poshtë pa specifikuar arsyen e vendimit.

Çfarë kuptimi kanë këto për ta? Vendimi i gjykatës së së martës nuk do të thotë se dy burrave u është dhënë statusi i refugjatit, por se aplikimi i tyre tani do të shqyrtohet nga autoritetet. Qeveria e Koresë së Jugut mund të apelojë ende vendimin e gjykatës, sipas Lee.

Është e paqartë se kur do të shqyrtohen rastet e dy burrave të tjerë nga gjykata.

Fraksion.com