Gruapi i Alibeajt nxjerr një tjetër kandidate për 14 majin, ja kush është gruaja që kërkon Bashkinë e Fierit

Grupi i Enkelejd Alibeajt zbulon një tjetër emër që do të kandidojë nën siglën e PD në zgjedhjet vendore të 14 majit.

Eriselda Zotaj Çelaj, është propozuar dhe përzgjedhur për të garuar për bashkinë e Fierit.

Eriselda Zotaj Çelaj, ka lindur, dhe jeton në Fier në një familje demokrate, të nderuar dhe me tradita. Eriselda është e martuar dhe nënë e dy fëmijëve.

Zonja Zotaj Çelaj, ka studiuar dhe është diplomuar në Fakultetin e Shkencave Shoqërore, Departamenti Ekonomik, Dega “Kontabilitet-Financë në Gjirokastër me titullin Kontabilist”.

Ajo ka qenë e angazhuar në jetën publike në Fier, si në aspektin profesional, ashtu dhe atë politik.
Në politikë Eriselda është futur që në moshë të re duke qenë prej vitit 2003 pjesë e Forumit Rinor të PD dhe më pas si anëtare e Lidhjes Demokratike të Gruas, e deri me sot ne pozicionin e Kryetares se Grupseksionit dhe Anëtare e Kryesisë së Degës.

Fraksion.com