Zelensky: Avionë luftarakë sa më shpejt të jetë e mundur

“Bëhet fjalë për armë që janë të nevojshme për paqen. Lufta, të cilën e nisi Rusia, duhet të ndalet”, tha presidenti ukrainas, Volodymyr Zelensky në takimin me presidentin francez, Emmanuel Macron dhe kancelarin Scholz në Paris. Ai ka përsëritur kërkesën e Ukrainës për armë të rënda dhe avionë luftarakë. “Emmanuel sa më shpejt pilotët tanë marrin avionë modernë, dhe Olaf, sa më i fortë të bëhet koalicioni ynë i tankeve aq më shpejt do të marrë fund agresioni i Rusisë.” Dhe ne ia kthejmë Europës paqen.” Më parë presidenti ukrainas kishte shprehur nevojën në Londër avionë luftarakë.

Zelensky takohet me kancelarin Scholz dhe presidentin Macron, 08.02.

Mbështetje nga Franca dhe Gjermania

Macron i premtoi Zelenskyt se Franca do ta ndihmojë Ukrainën në luftë kundër invazionit rus. Dhe se ky vend është i vendosur të mbështesë Ukrainën “në rivendosjen e të drejtave legjitime”. Edhe kancelari gjerman premtoi ndihma për Ukrainën sa kohë të jetë e nevojshme. Ajo që mbetet është se “Rusia nuk duhet ta fitojë këtë luftë”, tha kancelari gjerman. Nga ana tjetër Scholz siguroi, se “Ukraina bën pjesë në familjen europiane”.

Nga samiti i BE-së në Bruksel, ku Zelensky është i ftuar pritet të dërgohet një sinjal i fortë solidariteti në drejtim të Kievit. Ukraina u shpall vitin e kaluar vend kandidat për në BE, pak pas vizitës së Macron dhe Scholz në Kiev. Takimi në Paris ishte i dyti takim kokë më kokë i tre politikanëve që nga fillimi i luftës para gati një viti. Scholz dhe Macron mënjanuan në deklaratat e tyre të shkurtra para darkës në Paris çdo prononcim në lidhje me avionët luftarakë. Edhe pas takimit nuk pati njoftime publike.

Vendet perëndimore e kanë zgjeruar mbështetjen ushtarake për Ukrainën, por nuk janë shprehur për furnizimin e saj me avionë luftarakë. Vetëm Britania e Madhe ka thënë, se po shqyrton, se çfarë avionësh luftarakë mund t’i dërgohen Ukrainës dhe ka ofruar ndërkohë trajnimin e pilotëve ukrainas./DW