Zëdhënësi i Kremlinit: SHBA ka “qëndrim armiqësor” ndaj Rusisë dhe e percepton atë si një “kundërshtar”

Kremlini akuzoi Uashingtonin për një “qëndrim armiqësor” ndaj Rusisë duke thënë se ajo e percepton Moskën si një “kundërshtar” dhe provokon përshkallëzim të mëtejshëm.

“Shtetet e Bashkuara mbeten armiqësore ndaj vendit tonë, na perceptojnë si kundërshtar, shprehin vullnetin politik për të zgjeruar më tej përfshirjen e tyre në konfliktin midis Rusisë dhe Ukrainës”, u tha gazetarëve zëdhënësi i Kremlinit, Dmitry Peskov.

Peskov iu referua fjalimit të Presidentit të SHBA Joe Biden për gjendjen e Bashkimit, në të cilin ai foli për nevojën për të mbrojtur vendin nga kërcënimet kineze duke u përballur në të njëjtën kohë me Rusinë dhe duke mbështetur Ukrainën.

Peskov akuzoi Uashingtonin për refuzimin e “shprehjes së gatishmërisë për të njohur shqetësimet legjitime të Federatës Ruse” dhe tha se fjalimi “përkundrazi, provokon përshkallëzim të mëtejshëm”.

Komentet e Kremlinit vijnë pas raporteve se bombardimet ruse janë shtuar në pjesë të rajonit të Kharkivit të rikapur nga forcat ukrainase shtatorin e kaluar dhe zona të tjera të Ukrainës veriore.

Oleh Syniehubov, kreu i administratës ushtarake rajonale të Kharkiv, tha se dy civilë u vranë në Dvorichna, një fshat në lindje të qytetit të Kharkiv. Forcat ruse kanë zënë pozicione në bregun lindor të lumit Oskil aty pranë.

Fraksion.com