“Për Ukrainën, është rruga për në shtëpi”, Zelensky përsërit anëtarësim për në BE

Presidenti i Ukrainës, Volodymyr Zelensky, ka bërë “një thirrje zemre” që vendi i tij të bëhet pjesë e Bashkimit Evropian gjatë një fjalimi para ligjvënësve të BE-së.

“Kjo është Evropa jonë, këto janë rregullat tona, kjo është mënyra jonë e jetesës. Dhe për Ukrainën, është një rrugë për në shtëpi, një rrugë për në shtëpinë e saj,” tha Zelensky, duke iu referuar qëllimit të Ukrainës për t’u bashkuar me Bashkimin Evropian.

“Unë jam këtu për të mbrojtur rrugën e njerëzve tanë për në shtëpi,” shtoi ai.

Presidenti ukrainas nënvizoi se Ukraina ndan vlerat me Evropën dhe jo me Rusinë, e cila tha se po përpiqet ta kthejë Ukrainën pas në kohë.

Ishte një mesazh emocional i krijuar për t’u përpjekur të lidhej me parlamentarët e BE-së.

Fraksion.com