“Kishte qenë me pushime”, gjendet trupi i viktimës australiane nga tërmeti në Turqi

Trupi i një burri australian të vrarë në tërmetin e së hënës është gjetur në Turqi, sipas Linda Scott, një këshilltare komunale në Sidnei.

Can Pahali, i njohur gjithashtu si John, kishte qenë për vizitë në familje në vend dhe ishte me pushime në provincën e Hatay kur goditi tërmeti, raportoi Nine News degë e CNN.

Ministria e Jashtme e Australisë konfirmoi vdekjen e një shtetasi australian si pasojë e tërmetit, por nuk përmendi emrin e individit.

“Departamenti i Punëve të Jashtme dhe Tregtisë është thellësisht i pikëlluar nga raportet se një australian ka vdekur në tërmetet në Turkiye,” tha ministria. “Ekipi ynë konsullor dhe ekipet tona në Turqi dhe Liban, po punojnë shumë për të ndihmuar anëtarët e familjes të shqetësuar për të dashurit e tyre.”
Ministria tha se po mbështet rreth 50 australianë të tjerë dhe familjet e tyre që ishin në zonën e tërmetit.

Fraksion.com