Pas kërcënimeve të Oltës, reagojnë edhe të afërmit e Efit
Kërcënimet e Olta Gixharit në shtëpinë e “Big Brother Vip” se do të nxjerrë çfarë di për jetën jashtë të Kiarës dhe Efit, po marrin shumë reagime në rrjet. Pas reagimit të shoqes së ngushtë të Kiarës, kanë reaguar edhe të afërmit e Efit, që menaxhojnë llogarinë e saj zyrtare në Instagram.
Në një postim në Instastory, personi që menaxhon faqen shkruan se kjo është një lojë e shëmtuar nga ana e Oltës.
“Besoj se sjellja e Efit kundrejt Oltës dhe çdo gjë që ajo ka thënë vërtetohet me këto pamje të shëmtuara kërcënimi për një vajzë që supozohet të gjykohet për çfarë bën brenda “Big Brother”, jo jashtë, por mbi të gjitha nuk është vegël e një loje të shëmtuar duke goditur jetën personale të banorëve aty brenda”– thuhet në postim.
Edhe shoqja e ngushtë e Kiara Titos, Liesa Haxhiasllani, ka reaguar pas deklaratave kërcënuese të Olta Gixharit, e cila tha se “di shumë gjëra për Kiarën.”
Liesa ka ndarë në Instastory postimin e “Iconstyle.al” për deklaratën e Oltës, krahas së cilit shkruan: “Çfarë di Olta që s’e dikam unë?”
Edhe pse u paralajmëruar se do humbisnin nga 2 mijë euro për secilin prej tyre, duket se VIP-at këtë vit janë në garë se kush ofendon më shumë dhe jo për 100 mijë euro.
Një debat mes Oltës dhe Luizit ka kaluar çdo kufi ditën e djeshme. Ata kanë përfshirë jo vetëm jetën jashtë shtëpisë, por edhe njerëz të tjerë.
Olta mes të tjerash ka “kërcënuar” se di shumë gjëra për Kiarën dhe Efin duke u shprehur se Tirana është e vogël dhe se me informacionet që ka mund t’i nxjerrë nga formati.
“Do i nxjerr të gjitha gjërat që di për Kiarën. Tirana është e vogël. Kam arsenal, di gjëra plot. Do i rreshtoj të gjitha për Kiarën, e di sa shumë di? Avash-avash”- tha Olta për moderatoren.
Ndërsa për Efin u shpreh: “Edhe asaj tjetrës Efit i kam gjëra, që ajo nuk e ka idenë që unë i di. Atë po të dua, me një fjali e nxjerr jashtë.”
Në fakt “Big Brother” nuk ndërtohet mbi informacionet që banorët mund të kenë për njëri-tjetrin, por presim të dëgjojmë se çfarë di Olta, nëse do vendosë që t’i thojë…
Farksion.com
