Shkëlzen Berisha pyetet në SPAK: Prokuroria të flasë për kaligrafinë e faksit të Aldo Bumçit. Biseda me Mediun për…

Shkëlzen Berisha ka treguar detaje nga dëshmia që dha sot në SPAK për çështjen ‘Gërdeci’. Ai tha për mediat se i kërkoi prokurorisë që të flasë për kaligrafinë.

Pjesë nga komunikimi me mediat:

Shkëzen Berisha: Jam thirrur në cilësinë e një personi që ka dijeni për ngjarjen e Gërdecit. Nuk kam lidhje me këtë ngjarje, kam përsëritur ato që thënë publikisht. Më bën përshtypje fakti se e njëjta prokurori 15 vite më parë ka thënë që nuk i sheh të nevojshme këto deklarime.

Prokuroria duhet të hetojë kush e ka bërë atë shënim. Nuk kam asnjë lidhje me këtë çështje.

Mendoj që prokuroria duhet të thotë e kujt është kaligrafia nëse nuk është falsifikim sepse në origjinalin e faxit nuk ekziston.

Komunikim me ministrin e Mbrojtjes atëherë?

Berisha: Ka pasur komunikim të natyrës familjare. Jam pyetur edhe për këto dhe kam bërë të qartë që nuk kam asnjë lidhje sepse të komunikosh me dikë nuk do të thotë të jesh ortak me të. Çështja sipas mendimit tim është politizuar.

Ndiheni i frikësuar?

Berisha: Aspak

Një muaj më parë, u mor ish-ministri i Drejtësisë Aldo Bumçi në pyetje nga SPAK për të dëshmuar lidhur me çështjen e Gërdecit. Pas dëshmisë, ish-ministri Bumçi tha se dha sqarime në SPAK për shkresën zyrtare të Ministrisë së Drejtësisë, në një pjesë të së cilës shkruhej “për Shkëlzen Berishën”. Duke e cilësuar si të falsifikuar, Bumçi tha se u kërkoi prokurorëve të hetohej shkresa ku përmendej z.Berisha, kallëzim të cilin e ka bërë para shumë vitesh.

Fraksion.com