Çështja McGonIgal, debate në Kuvend Alibeaj: Kërkojmë që të jetë Rama këtu, ai është strumbullari i korrupsionit! Nikolla i fik mikrofonin

Kryetari i grupit parlamentar të PD-së, Enkelejd Alibeaj me tone të forta i ka kërkuar llogari kryetares së Kuvendit, Lindita Nikolla se ku është kryeministri Edi Rama.

Ai tha se Rama duhet të ishte në Kuvend, që të jepte llogari për çështjen “McGanigal”, dhe të japë sqarime për 250 mijë dollarët që i ka dhënë atij.

“Ku e keni fshehur Edi Ramën? Duhet të shpjegojë? Si ka mundësi që keni dhënë 250 mijë dollarë dhe nuk është aty në seancë të japë shpjegime?”, tha Alibeaj.

“Në bazë të nenit 47 pika 1, anëtarët e Këshillit të Ministrave e kanë për detyrë që të jenë këtu kur i kërkohen. Dhe kërkesa ime është ndaj Ramës, ajo karrige nuk duhet të jetë bosh kur ka kërkesë nga deputetët. S’mund të bëjmë sikur nuk shikojmë dhe nuk dëgjojmë kur po flasin të gjitha mediat e huaja. Jeni garante për të thirrur Ramën këtu, ai njeri është strumbullari i një akti korruptiv, ai duhet të japë sqarime edhe në Parlament. Vetëm ai duhet të japë sqarime.”- tha Alibeaj.

Lindita Nikolla i ndërpret fjalën

Alibeaj: O zonja kryetare te lutem…

Nikolla: Jo mos mu lut fare

Alibeaj i bie tavolinës

Fraksion.com