Norvegjia do të presë takim jozyrtar të ministrave të Jashtëm të NATO-s në maj

Siç u njoftua dhjetorin e kaluar nga Sekretari i Përgjithshëm Jens Stoltenberg, Norvegjia ka ofruar të presë takimin e radhës jozyrtar të Ministrave të Jashtëm të NATO-s. Takimi do të zhvillohet në Oslo më 31 maj-01 qershor 2023.

“Jam mirënjohës për ofertën e Norvegjisë dhe pres me padurim të takohem me ministrat e Jashtëm të NATO-s në qytetin tim”, tha Sekretari i Përgjithshëm. “Kjo do të jetë një mundësi e rëndësishme për ministrat që të adresojnë situatën e ndryshuar rrënjësisht të sigurisë për shkak të luftës brutale të Rusisë në Ukrainë dhe mbështetjen tonë të palëkundur për popullin ukrainas, në mënyrë që ata të mund të mbizotërojnë”. Ministrat e Jashtëm do të zhvillojnë diskutime jozyrtare për të përgatitur takimin e krerëve të shteteve dhe qeverive të NATO-s që do të mbahet në Vilnius, Lituani më 11-12 korrik 2023.

Në Samitin e tyre të vitit 2021 në Bruksel, udhëheqësit e NATO-s u zotuan të forcojnë dhe zgjerojnë konsultimet politike, duke përfshirë takimet jozyrtare të Ministrave të Punëve të Jashtme. Takimi i parë i tillë u organizua nga Gjermania në Berlin në maj 2022.

Fraksion.com