NATO forcon dialogun politik me partnerët Armeninë dhe Azerbajxhanin

Përfaqësuesi Special i Sekretarit të Përgjithshëm të NATO-s për Kaukazin dhe Azinë Qendrore, Javier Colomina, udhëtoi në Kaukazin e Jugut këtë javë, duke vizituar Armeninë dhe Azerbajxhanin. Vizita ishte pjesë e konsultimeve të rregullta politike të z. Colomina në këto dy vende të rëndësishme partnere të NATO-s.

Në Armeni ai u takua me kryeministrin Nikol Pashinyan, ministrin e Jashtëm Ararat Mirzoyan, ministrin e Mbrojtjes Suren Papikyan dhe zyrtarë të tjerë. Në Azerbajxhan ai u takua me ministrin e Jashtëm Jeyhun Bayramov dhe zyrtarë të tjerë. Z. Colomina diskutoi bashkëpunimin e NATO-s me Armeninë dhe Azerbajxhanin, si dhe kontributet e të dy partnerëve për sigurinë euroatlantike.

Z. Colomina gjithashtu shkëmbeu mendime për çështjet e sigurisë rajonale, duke përfshirë situatën në korridorin e Laçinit. Ai theksoi rëndësinë e lëvizjes së lirë dhe nevojën për të adresuar çështjet humanitare, si dhe rëndësinë e rifillimit të bisedimeve dhe punës drejt normalizimit. Z. Colomina përshëndeti gjithashtu rolin e Bashkimit Evropian në mbështetje të stabilitetit rajonal.

Fraksion.com