Forcat ruse kanë marrë Soledar, sipas ministrisë së Mbrojtjes

Forcat ruse kanë marrë qytetin Soledar në Ukrainën lindore, sipas ministrisë ruse të mbrojtjes – fitorja e tyre e parë e rëndësishme në disa muaj.

Rusia mori kontrollin e Soledar të enjten në mbrëmje, tha ministria në një konferencë të premten.

Ditët e fundit ka pasur pretendime konkurruese se kush ka kontrollin e qytetit mes luftimeve të ashpra.

Rusia tha se kapja e Soledar ishte “e rëndësishme për vazhdimin e operacioneve të suksesshme sulmuese në rajonin e Donetsk”. Ai shtoi se “vendosja e kontrollit mbi Soledar bën të mundur ndërprerjen e rrugëve të furnizimit për trupat ukrainase në Bakhmut”.

Rëndësia e Soledar në aspektin ushtarak është minimale. Megjithatë, kapja e tij do të lejonte forcat ruse, dhe veçanërisht grupin mercenar Wagner, të kthenin fokusin e tyre në Bakhmut aty pranë, i cili ka qenë një objektiv që nga vera.

Sipas ministrisë ruse, kapja e Soledar “u bë e mundur për shkak të shkatërrimit të vazhdueshëm të armikut nga sulmi dhe aviacioni i ushtrisë, trupat raketore dhe artileria e një grupi të forcave ruse”.

Ministria nuk iu referua pretendimeve nga kompania private ushtarake Wagner se forcat e saj e kishin marrë qytetin vetë.

“Vetëm gjatë tre ditëve të fundit, më shumë se shtatëqind ushtarakë ukrainas dhe mbi treqind njësi armësh të Forcave të Armatosura të Ukrainës janë shkatërruar pranë qytetit Soledar”, thuhet në deklaratë.

Kujtojmë se të enjten, grupi Wagner përçmoi pretendimet nga ministria ruse e mbrojtjes se forcat e tij ishin të përfshira në ofensivën Soledar.

Nga ana e tyre, zyrtarët ukrainas kanë kundërshtuar vazhdimisht pretendimet se Soledar është marrë. Të premten në mëngjes, zëvendësministrja e Mbrojtjes e Ukrainës, Hanna Maliar tha se luftimet gjatë natës kanë qenë “të nxehta”.

Trupat ukrainase po përpiqeshin “me guxim të mbanin vijën” pavarësisht pretendimeve ruse se kishte fituar kontrollin e rajonit, shtoi ajo.

Fraksion.com