Horoskopi ditor e premte 6 janar 2023

Ky është horoskopi  ditor për ditën e  nesërme e  premte 6 janar 2023. Parashikimi për punën, shëndetin dhe  ndjenjat, si do të ecë dita për të lindurit e çdo shenje.

Dashi

Në tërësi dita do jetë pozitive sot dhe pa probleme serioze. Do keni besim tek vetja dhe nuk keni për të pasur debate me të tjerët. Ju që keni një lidhje do jeni shumë romantikë dhe do krijoni një klimë të jashtëzakonshme në çift. Zemra do rrahë fort dhe nuk do doni të shkëputeni asnjë moment nga njëri-tjetri. Beqaret nuk duhet te bëjnë asgjë me inat dhe me nxitim sepse do lëndohen e do vuajnë më vonë. Në punë shumë kolegë do ju shtyjnë drejt rrugës së gabuar, por një zë i brendshëm do ju nxitë të bëni kujdes. Financat do përmirësohen në mënyrë të paimagjinueshme falë një shpërblimi të majmë që do merrni.

Demi

Marrëdhënia me të tjerët do jetë shumë e mirë sot dhe gjithçka do ju realizohet ashtu si keni dashur përherë. Për ju që keni një lidhje ka për të qenë një ditë e zjarrtë. Do i shprehni hapur dëshirat që keni dhe secili do mundohet t’ia plotësojë tjetrit. Ju beqarët do keni vetëm njohje miqësore dhe asgjë më shumë sesa aq. Për lidhjet e ëndërruara do ju duhet ende të presin. Në punë do keni sukses të garantuar dhe do filloni të mendoni edhe për të ndërmarrë një projekt vetjak. Në planin financiar do përballeni me goxha vështirësi, megjithatë mirë është të mos e lëshoni veten.

Binjakët

Ditë e shkëlqyer ka për të qenë kjo e sotmja falë ndikimit të madh të Neptunit. Ju të dashuruarit do jeni mjaft të përkujdesur për partnerin tuaj dhe do e mbani atë në pëllëmbë të dorës. Edhe ai do ju bëjë surpriza të këndshme. Romantizmi dhe ëmbëlsia do jenë pjesë e çdo minute. Ju beqarët do jeni sensuale dhe do arrini të afroni pas vetes cilindo që do pëlqejë. Ka mundësi të ndodhin gjëra të jashtëzakonshme. Në punë Mërkuri do jetë planeti që do ju bëjë t’i kuptoni mirë gjërat dhe do dini si të veproni. Sektori i financave nuk do jetë aspak i rrezikuar, pasi logjika dhe largpamësia do ju drejtojnë gjithë kohës.

Gaforrja

Gjatë kësaj dite do vendosni ta lini veten të lirë dhe ta jetoni jetën si t’iu vijë. Në përgjithësi gjithçka do evoluojë. Ju të dashuruarit do jeni në humor shumë të mirë dhe do bëni çdo gjë që do i pëlqejë partnerit vetëm që ai të ndihet mirë. Së bashku do qeshni e do përjetoni kënaqësi. Ju beqarët mund të keni edhe dashuri me shikim të parë, megjithatë mire është të bëni kujdes me hapat që do hidhni. Në punë, Mërkuri do ju bëjë të reflektoni më gjatë dhe të gjeni zgjidhje për të gjitha problemet që do ju dalin. Financat do jenë të begata prandaj edhe po bëtë ndonjë shpenzim më tepër nuk do keni probleme.

Luani

Sot do bëni mirë të meditoni dhe të mendoheni gjatë. Klima nuk do jetë shumë e ngrohtë dhe shpesh do përballeni me sfida të vështira. Për ju të dashuruarit dita do jetë shumë e paqëndrueshme. Do jeni shumë konfuzë për lidhjen që keni krijuar dhe nuk do preferoni të mbylleni në vetvete e të reflektoni gjatë. Ju beqarët në të kundërt do entuziazmoheni mjaft nga një takim që do realizoni dhe do hidhni hapa pa u menduar gjatë. Në punë do e bëni çdo gjë me pasin sepse jeni ne fushën më të pëlqyer dhe gjërat kanë për t’iu shkuar shumë mirë. Në planin financiar do vendosni rregull dhe nuk do keni asnjë tronditje.

Virgjëresha

Hëna do bëhet bashkë me Neptunin sot dhe do ju ndihmojnë të realizoni çdo dëshirë që keni pasur. Për ju të dashuruarit është momenti i duhur për të marre vendime të rëndësishme. Po i shtytë ende gjërat situata mund t’iu dalë edhe jashtë kontrollit. Nëse jeni beqarë duhet të besoni tek vetja dhe ta joshni ashtu siç dini atë që pëlqeni. Me shumë gjasë do ia arrini qëllimit përfundimtar. Në punë mos u nxitoni aspak sepse situata mund t’iu ndërlikohet. Bëjeni çdo gjë sa më shtruar që të mundeni. Vështirësitë që ju kishin dalë në planin financiar do arrini t’i zgjidhni falë mbështetjes së të afërmve.

Peshorja

Intuita nuk do ju zhgënjejë gjatë kësaj dite kështu që në tërësi gjërat do ju ecin më së miri. Nëse keni një lidhje do keni një ditë shume të rëndësishme. Do merrni vendime përfundimtare të cilat do ua ndryshojnë jetën. Ju beqarët sado që të mundoheni nuk do e gjeni dot personin që do iu përshtatet në çdo pikë. Për punën nuk do ketë vështirësi shumë të mëdha. Do e dini mirë se çfarë doni dhe do ecni drejt objektivave pa u hallakatur shumë. Në planin financiar fati do jetë në anën tuaj dhe gjendja do stabilizohet akoma më shume nga sa e kishit menduar.

Akrepi

Gjatë kësaj dite do jeni shumë më bujarë dhe mund të merrni përsipër edhe disa gabime që nuk i keni bërë vetëm për një klimë sa më të qetë. Nëse keni një lidhje dhe marrëdhënia ka qenë e fortë kohët e fundit, ajo do vazhdojë edhe sot të jetë e njëjtë. Do jeni bashkëpunues dhe mjaft tolerante. Ju beqarët do ndiheni mirë pranë miqve të ngushte dhe nuk do e keni mendjen të kërkoni dashurinë. Për momentin ka gjera më të rëndësishme për ta. Për sa i përket jetës profesionalë përgatituni të merrni një letër ose një telefonatë që do ju japë një përgjigje pozitive për një kërkesë të bërë. Buxhetin do dini si ta mbani gjithë kohës nën kontroll dhe nuk do keni asnjë vështirësi.

Shigjetari

Marsi do ju bëjë të jeni më të frenuar dhe më të kujdesshëm gjatë kësaj dite. Gjithë kohës do kujdeseni për të vendosur çdo gjë në rregull. Nëse keni një lidhje mundohuni të jeni sa më të arsyeshëm dhe në asnjë mënyrë mos kërkoni gjëra të pamundura nga partneri sepse do zhgënjeheni vetë dhe do e bëni tjetrin të ndihet keq. Ju beqarët do jeni si në ajër dhe nuk do e keni aspak mendjen për të kërkuar dashurinë. Në punë do bëni mirë të pranoni të ndryshoni pozicion pasi do jeni më të qetë, më pak të ngarkuar dhe nuk do keni përballje të shpeshta me kolegë që nuk i duroni dot. Në planin financiar po nuk bëtë kujdes mund të keni probleme goxha serioze.

Bricjapi

Sot do i mendoni gjërat më seriozisht dhe nuk do kërkoni asgjë të pamundur. Ju të dashuruarit do parapëlqeni më shumë një jetë të qetë sesa shumë emocione. Shfrytëzojeni situatën për të folur shtruar edhe për disa tema të ndërlikuara. Nëse jeni beqarë do bëni mirë të reflektoni disa herë para se të merrni vendime sepse përndryshe do gaboni e do vuani. Në punë do arrini më lart sesa keni menduar dhe kjo falë përkujdesit, maturisë dhe durimin. Buxhetin do e mbani gjithë kohës nën kontroll me mënyrën e menaxhimit dhe me vendosmërinë që do keni.

Ujori

Sot do i lini mënjanë të gjitha hatërmbetjet dhe problemet dhe do mundoheni të krijoni një ambient më të qetë. Ju të dashuruarit do keni nevoje jetike për harmoni dhe do mundoheni me sa të mundeni të tregoheni të matur me fjalët dhe veprimet. Ju beqarët do e keni shumë të vështirë ta joshin personin tuaj të ëndrrave dhe do vazhdoni të mbeteni ende të vetmuar. Në punë do jeni të frymëzuar dhe të gjitha përpjekjet që keni bërë kohët e fundit do japin rezultatet e shumëpritura. Buxheti nuk ka për të qenë i mirë pasi do kryeni shpenzime të pakontrolluara e me pasoja të renda për të ardhmen.

Peshqit

Në disa momente mund të jeni konfuzë sot, por do e rimerrni shpejt veten dhe do logjikoni. Për ju të dashuruarit të gjitha rrethanat do jenë në favorin tuaj kështu që jeta ka për t’iu ecur vaj. Për asgjë nuk do keni ankesa apo pengje. Ju beqarëve do ju peshojë shumë vetmia, por nuk do keni mundësi të bëjnë asgjë për ta ndryshuar situatën. Bëni sa më shumë durim që të mundeni. Në punë do veproni me devotshmëri dhe nuk do ju mungojë asnjë moment motivimi. Në planin financiar duhet të ndiqni një plan strikt sepse vetëm ashtu do mund të bëni ekonomi. Shpenzime për gjëra qejfi mos bëni për asnjë arsye.

 

Fraksion.com