Konflikt i Serbisë me NATO-n? Zyrtari i partisë së Vuçiçit akuzon ambasadorin rus: S’do të ndodhë, vetëm një i çmendur e beson këtë
Ish-deputeti serb Dragan Shormaz ka reaguar lidhur me deklarimet e ambasadorit rus në Beograd, Aleksandar Bocan-Harchenko, për një konflikt të mundshëm të Serbisë me NATO-n.
Zyrtari i partisë së Aleksandar Vuçiçit e ka akuzuar ambasadorin rus për ndërhyrjet e këtij të fundit në çështjen e Serbisë, transmeton kp.
“Ndërsa ushtarët rusë shtrihen si minjtë në baltën e Ukrainës dhe qindra prej tyre vdesin çdo ditë, ky zyrtar [ambasadori rus] i regjimit kriminal vazhdon paturpësisht të ndërhyjë në punët e brendshme të Serbisë dhe të uron konfliktin tonë me NATO-n! Kjo nuk do të ndodhë. Vetëm një budalla shkel dy herë në të njëjtin gur”, citon Shormaz në Twitter, shkruan The Geopost.
Indiferent ndaj kësaj nuk ka qëndruar eksperti i sigurisë, Agim Musliu, i cili ka thënë se paraqitja e ambasadorit rus, pas shfaqjes së grupeve kriminale në barrikada, e plotëson mozaikun e ndërhyrjes ruse në Kosovë përmes Serbisë.
“Pas paraqitjes së Wagnerit, Qendrës së Spiunazhit në Nish dhe grupeve të tjera në barrikadat në veri të Kosovës, tani u shfaq edhe ambasadori rus në Beograd. Kjo plotëson mozaikun e përfshirjes ruse në Kosovë përmes Serbisë”, ka shkruar ai.
After PMC #Wagner, the #Espionage center in Nis, #Serbia, and other proxies at the #barricades in the north of #Kosovo, the #Russian ambassador in #Belgrade now appeared. This completes the mosaic of Russian involvement in Kosovo through Serbia. pic.twitter.com/hHsQi5QPuI
— Agim Musliu (@agim_musliu) December 27, 2022
Fraksion.com
