Messi vendos rekord historik me postimin në Instagram si triumfues i Botërorit, duke mposhtur CR7

Pasi u shpall kampion bote në “Katar 2022” dhe pas festimeve përkatëse brenda stadiumit “Lusail” e dhomës së zhveshjes, Lionel Messi postoi në Instagramin e tij disa foto të ekstazës pas fitores ndaj Francës. Foto me të cilat, fjalë për fjalë po arrin shifra historike me “pëlqimet” e ndjekësve në rrjetet sociale.

Pra, Messi jo vetëm që ka shkatërruar disa rekorde historike gjatë Kupës së Botës, por tani vazhdon t’i thyejë shifrat në rrjetet sociale. Deri më tani, fotoja e tij duke ngritur trofeun e Kupës së Botës në Katar ka arritur mbi 49 milionë “like”.

Një shifër që e kalon shumë atë foto të publikuar nga Cristiano Ronaldo dhe tashmë renditet e dyta. Në Instagram, fotoja e shtatë herë fituesit të “Topit të Artë” renditet vetëm pas postimit të famshëm për një vezë, i cili arriti shifrën e 56 milionë “like”.

Nuk ka dyshim se postimi i Messit mund ta kapërcejë këtë shifër, pasi magjia e festimeve vazhdon me përmasa frenetike në Argjentinë, por jo vetëm.

Fraksion.com