Peleshi: Strukturat e emergjencave civile, në gatishmëri të plotë

Ministri i Mbrojtjes Niko Peleshi deklaroi se të gjitha strukturat e emergjencave civile janë në gatishmëri të plotë sa i takon përballimit të situatës së krijuar nga reshjet e dendura.

Në një postim në rrjetet sociale Peleshi theksioi se ka vëmendje të shtuar në në bashkitë Mirditë, Kurbin, Lezhë, Shkodër, Malësi e Madhe, Shijak, Krujë, Memaliaj, Tepelenë, Gjirokastër, Mallakastër e Berat.

Ai theksoi se prej natës së mbrëmshme të gjitha strukturat e emergjencave civile janë në gatishmëri të plotë dhe janë marrë të gjitha masat, në mënyrë që të ketë sa më pak probleme si pasojë e reshjeve të shiut.

“Vëmendje e shtuar është në bashkitë Mirditë, Kurbin, Lezhë, Shkodër, Malësi e Madhe, Shijak, Krujë, Memaliaj, Tepelenë, Gjirokastër, Mallakastër e Berat, ku reshjet ishin më të shumta. Gjatë gjithë kohës jemi në kontakt  të vazhdueshëm me pushtetin vendor për të bërë më të mirën për njerëzit tanë”, njoftoi Peleshi.

Fraksion.com