Horoskopi ditor, e enjte 1 dhjetor 2022

Ky është horoskopi  ditor për ditën e sotme, e enjte 1 dhjetor 2022. Parashikimi për punën, shëndetin dhe  ndjenjat, si do të ecë dita për të lindurit e çdo shenje

Dashi

Mërkuri dhe Plutoni do kundërshtojnë njëri-tjetrin sot dhe mund t’iu bëjnë edhe ju të paqartë. Nëse keni një lidhje, ndjenjat do jenë të thella, por një dyshim që keni mbi partnerin nuk do kalojë pa ua prishur ditën. Bëni kujdes sepse ai po kërkon thjesht t’iu bëjë pak xhelozë. Ju beqarët duhet të ndryshoni paksa mënyrën tuaj të joshjes dhe duhet të tregoheni here herë edhe indiferente. Do keni më shumë sukses në këtë mënyrë. Në punë do jeni të papërqendruar dhe nuk do dini çfarë të bëni. Kujdes sepse po vazhduat kështu do përballeni me probleme. Ditë plot diell edhe për sektorin financiar. Bëni ato shpenzime që kishit planifikuar pa u stresuar.

Demi

Duhet të kujdeseni më shumë për veten gjatë kësaj dite dhe të mendoni pozitivisht përherë. Ju që jeni në një lidhje përgatituni për momente plot eufori, lumturi dhe sadisfaksion. Do dini si ti shprehni ato që ndjeni dhe do jeni mjaft pasionantë. Për ju beqarët do jetë pikërisht Marsi ai që do iu hape rrugën drejt dashurisë së shumëpritur. Do ju ngelet vetëm ta mirëprisni atë. Në punë bëni kujdes nga personat që keni rreth e rrotull sepse do mundohen t’ua prishin planet. Mos besoni verbërisht tek askush. Situata financiare do ndikohet drejtpërdrejt nga Saturni. Megjithëse mund te keni ndonjë tronditje të vogël dita do mbyllet mirë.

Binjakët

Sot do ju duket sikur të gjithë duna t’ua hedhin dhe do kapeni pas çdo personi që do keni para. Marsi, perëndia e luftës mund të provokojë një klime jo të mirë për ju që keni një lidhje, por nga ana tjetër do qëndrojë edhe Venusi i cili do mundohet të zbute çdo gjë. Në mbrëmje mund të ketë edhe nota pasioni. Nëse jeni beqarë edhe pse do e kërkoni shumë dhe do jeni sharmantë, nuk do takoni dot personin e duhur. Në punë do keni disa përballje të forta me shefat, por në fund do e merrni atë që keni kërkuar. Ndonjëherë ja vlen te tregoheni paksa kokëfortë. Mërkuri do të favorizoje financat dhe do iu mundësojë të plotësoni edhe disa nga dëshirat tuaja për shpenzime.

Gaforrja

Hëna do ju bëjë të tregoni gjithë forcën e brendshme që ndieni dhe të tjerët do ju vlerësojnë më tepër. Jeta sentimentale për të gjithë ju që keni një lidhje do jetë plot dinamizëm. Edhe nëse keni kaluar një faze delikate do rregulloni çdo gjë dhe dialogu do të rivendoset. Nëse jeni beqarë, planetët do jenë mjaft premtues. Shikoni me kujdes kudo që të shkoni sepse do gjeni atë që kërkoni. Në pune yjet do ju japin energji dhe do ju nxitin të tregoheni këmbëngulës. Për ju nuk do ketë asgjë të pamundur sot. Financat do të ndikohen nga Dielli dhe ju do shpenzoni më shumë sesa duhet. Kujdes sepse gjendja nuk është shumë e mirë dhe shpejt mund të mbeteni me xhepat bosh.

Luani

Sot do jeni më të qartë në mendime dhe do ndërmerrni plot iniciativa. Do dini të ndiqni edhe rrugën më të mirë. Ju që keni një lidhje do jeni besnikë dhe do ndiheni më të sigurt. Nga ana tjetër, Jupiteri do të sjelle edhe më shumë sensualitet dhe pasion. Nëse jeni beqarë duhet te prisni edhe disa ditë më shumë për të gjetur atë që aq shumë keni kërkuar. Sot nuk do jetë dita më me fat. Në punë do ju duhet shumë vëmendje dhe shumë mund për të arritur atje ku dëshironi. Sado të vështira të jenë gjërat nuk duhet të dorëzoheni. Përfitoni nga ndihma e Neptunit për të përmirësuar situatën financiare dhe ulni sa më shumë shpenzimet.

Virgjëresha

Gjatë kësaj dite do jeni gjithë kohës në kërkim të ekuilibrit intelektual. Përgatituni edhe për të reja në jetën tuaj. Për ju të dashuruarit do jetë ditë e mrekullueshme. Të dy me partnerin do bëni atë që është më e mira për lidhjen tuaj. Falë ndikimit të Venusit, specialistit të dashurisë, edhe ju beqarët do keni një ditë shumë harmonike dhe plot ngjyra. Nuk do mungojnë as momentet sensuale dhe romantike. Në punë do jeni më të bindur për atë që duhet të bëni dhe askush nuk do ua ndalë vrullin. Mesdita do jetë më e përshtatshmja për të nisur disa projekte të reja. Me financat do tregoheni më të matur dhe do eliminoni edhe çdo shpenzim të madh.

Peshorja

Sido që të jetë gjendja e jetën tuaj sot do jeni më të haur dhe të gatshëm për t’u mirëkuptuar më të gjithë. Nëse keni një lidhje të dy me partnerin do bëni çmos që ta përmirësoni situatën në çift. Edhe pse do keni shumë për të bërë, Venusi do ua lehtësojë paksa gjërat. Nëse jeni ende beqarë, do jeni me ëndërrimtarë se kurrë dhe do e presin princin e kaltër t’iu bjerë nga qielli. Ky do jetë një gabim i madh. Po nuk kërkuat vetë nuk keni për ta gjetur asnjëherë. Në punë duhet të merrni iniciativa për t’i kaluar të gjitha pengesat që do ju dalin para. Ju mund t’ia dilni mbanë. Për sektorin financiar nuk do keni nevojë të shqetësoheni sepse ai do jetë i mirë. Gjithsesi tregohuni te matur me shpenzimet.

Akrepi

Përgatituni shpirtërisht për një ditë shumë ndryshe sot dhe të mbushur me çaste fantastike. Neptuni, ai që kujdeset më shumë për ndjenjat dhe planeti i romantizmit, do iu bëjë më euforikë ju të dashuruarve. Mos hezitoni as të bëni ndonjë projekt për të ardhmen sepse gjithçka do privilegjohet. Nëse jeni vetëm, papritur, në një moment që nuk e prisnit, do gjeni shpirtin binjak. Mos i thoni jo nëse ai iu kërkon një takim. Në pune nuk do ju mungojë aspak motivimi për të ecur përpara. Në planin financiar do keni shumë fat. Menaxhojeni mirë buxhetin dhe e nesërmja ka për të qenë akoma më e mirë.

Shigjetari

Planetët do ju bëjnë të paqëndrueshëm gjatë kësaj dite dhe humori do ju ndryshojë herë pas here. Duke parë ndikimin e Mërkurit, marrëdhënia juaj me partnerin do jetë paksa delikate. Ju do jeni në forme të shkëlqyer, por komunikimi me partnerin do jetë shume i vështirë. Nëse zemra juaj është ende e lirë, mundësitë për takime do jenë të shumta. Kujdes mos pëlqeni dikë që nuk do ua kthejë pëlqimin. Në punë, nëse nuk do jeni shumë të qarte për atë që duhet të bëni, kërkoni ndihmë. Disa miq besnikë nuk kanë për t’iu lënë në baltë. Financat do pakësohen sepse nuk do i bëni dot ballë dëshirës së madhe për shpenzime.

Bricjapi

Sot do jeni shumë kreativë dhe do e lini zemrën të flasë më shumë. Kësaj here, lumturia ne çift do të varet shumë nga humori juaj gjatë ditës. Ju të dashuruarit do e lini veten të udhëhiqeni paksa nga xhelozia dhe kjo mund të përbëjë problem. Kujdes, mundohuni ta ndalni këtë ndjenjë sepse mund të prishe gjithçka. Ju beqarët nuk do keni fat në çështjet e dashurisë, por nuk duhet të bëheni pesimiste. Në punë nuk do arrini dot ta përfundoni në kohë atë që keni nisur dhe do merrni kritika. Nëse tregoheni të kujdesshëm me shpenzimet, buxheti nuk do ketë probleme as në ditët apo javët në vijim.

Ujori

Hëna do ju ndihmojë mjaft me projektet që do keni nëpër duar, do jeni më në humor dhe gjithçka do ju funksionoje si duhet. Venusi, duke kundërshtuar edhe gjithë planetët e tjerë, do iu sjellë më shumë bashkëpunim në çift. Për pasojë dita pritet të jetë shumë e bukur dhe e ngrohtë. Shfrytëzojeni sa më shumë që të mundeni. Për ju beqarët, dashuriçkat do jenë më të shumta se çdo herë tjetër. Edhe pse nuk do filloni një lidhje serioze kënaqësia do jetë e madhe. Puna do ecë goxha përpara dhe do sjellë përfitime në të ardhura. Do ndiheni mirë për arritjet. Paratë do jenë goxha më të mira dhe do mund të bëni edhe ndonjë shpenzim më tepër pa e vrarë shumë mendjen.

Peshqit

Sot do ndiheni shumë të fuqishëm dhe të gatshëm për të lëvizur edhe malet për të arritur atë që dëshironi. Nëse jeni në një lidhje do bëni plane për të ardhmen dhe do e organizoni në atë mënyrë ditën që do përjetoni sa më shumë momente të lumtura. Për të gjithë ju që ende nuk e keni krijuar një lidhje, sot do jetë dita më e përshtatshme. Një person shumë interesant do iu dalë para në një moment kur të jeni vetëm. Në punë do jeni ambicioze dhe nuk do ndaleni derisa të arrini ku dëshironi. Financat nuk do jenë aspak të favorizuara. Për këtë arsye nuk duhet të bëni shpenzime të mëdha.

 

Fraksion.com