NATO lehtëson dhurimin e ambulancave autobus nga Norvegjia në Ukrainë

Norvegjia do t’i dhurojë Ukrainës pesë ambulancave autobus ushtarake, pas kërkesës së Kievit për ndihmë ndërkombëtare përmes Qendrës së Koordinimit të Reagimit ndaj Fatkeqësive Euro-Atlantike të NATO-s (EADRCC). Donacioni, me vlerë tre milionë euro, koordinohet nga EADRCC përmes një marrëveshjeje financimi me Norvegjinë.

Qendra do të identifikojë kërkesat për ambulancave autobus dhe do të lehtësojë dërgimin e kësaj ndihme mjekësore në Ministrinë e Mbrojtjes të Ukrainës. Ky donacion humanitar është pjesë e mbështetjes së paprecedentë që po japin Aleatët e NATO-s, ndërsa Ukraina vazhdon të frenojë luftën e agresionit të Rusisë.

Duke folur pas një sesioni pune të Mmnistrave të Jashtëm të NATO-s në Bukuresht të martën (29 nëntor 2022), Sekretari i Përgjithshëm Jens Stoltenberg tha: “Ne do të vazhdojmë të mbështesim Ukrainën për aq kohë sa të duhet. Aleatët e NATO-s po ofrojnë mbështetje të paprecedentë dhe sot, aleatët bënë premtime shtesë për Paketën Gjithëpërfshirëse të Ndihmës së NATO-s për Ukrainën. Kjo do të financojë mbështetjen urgjente jo-vdekjeprurëse, duke përfshirë karburantin dhe furnizimet mjekësore.”

Qendra Euro-Atlantike e Koordinimit të Reagimit ndaj Fatkeqësive është mekanizmi kryesor i NATO-s për reagimin ndaj emergjencave civile në zonën euro-atlantike. Ai është aktiv gjatë gjithë vitit, funksionon në baza 24/7 dhe përfshin të gjithë aleatët e NATO-s dhe vendet partnere. Qendra funksionon si një sistem kleringu për koordinimin e kërkesave dhe ofertave të ndihmës.

Fraksion.com