Aleatët dhe partnerët e NATO-s diskutojnë sigurinë detare
Më 21 nëntor 2022, Komiteti Ushtarak i NATO-s ftoi Përfaqësuesit Ushtarak Partner nga Australia, Kolumbia, Finlanda, Republika e Koresë, Maroku, Katari dhe Suedia, në një diskutim tematik mbi Sigurinë Detare dhe aktivitetet e lidhura me to.
Në hapjen e sesionit, Zëvendëskryetari i Komitetit Ushtarak të NATO-s, gjenerallejtnant Lance Landrum u bëri një mirëseardhje të ngrohtë Përfaqësuesve Ushtarak Partner dhe zyrtarëve që merrnin pjesë personalisht dhe në internet. Ai theksoi se “për shkak të dimensionit të saj global, Siguria Detare është çelësi për paqen dhe sigurinë e NATO-s dhe partnerëve të saj. Ato varen nga njëri-tjetri për të siguruar zgjidhje koherente, të koordinuara dhe të qëndrueshme për sfidat ekzistuese detare”. Para se të kalonte fjalën, gjenerallejtënant Landrum vuri në dukje gjithashtu vlerën e takimeve të tilla tematike, veçanërisht si një platformë për diskutime strategjike dhe shkëmbim informacioni midis NATO-s dhe Partnerëve.
Përfaqësuesit e Aleatëve dhe Partnerëve të NATO-s më pas morën informacione nga Australia, Suedia dhe Komanda Detare Aleate e NATO-s (MARCOM). Në konferencën e tij, komandanti i MARCOM, Zëvendës-Admirali Keith Blount i përditësoi pjesëmarrësit mbi aktivitetet e vazhdueshme detare të NATO-s, duke përfshirë operacionet, stërvitjet dhe trajnimet, si dhe mundësitë në dispozicion të Partnerëve për bashkëpunimin detar.
Në Samitin e Madridit, Aleatët e NATO-s përsëritën rëndësinë e përforcimit të Qëndrimit Detar të NATO-s si një pjesë integrale dhe ndërsektoriale e zbatimit të qëndrimit parandalues dhe mbrojtës të Aleancës. Aktivitetet detare të NATO-s shtrihen gjithashtu në bërjen e deteve dhe oqeaneve më të sigurta. Me katër Grupet e saj Detare të Përhershme shumëkombëshe të NATO-s, NATO kryen detyra të ndryshme duke filluar nga ushtrimet deri te misionet operacionale. Grupet e saj të Përhershme të Kundërmasave të Minave të NATO-s janë të specializuar në operacionet e kërkimit dhe asgjësimit të mjeteve shpërthyese, duke përfshirë operacionet historike të asgjësimit të municioneve për të minimizuar kërcënimin nga minat që datojnë që nga Luftërat Botërore, duke kontribuar kështu në sigurinë globale të lundrimit.
Nëpërmjet stërvitjeve detare dhe të përbashkëta, Aleatët dhe Partnerët e NATO-s po punojnë në ruajtjen dhe zhvillimin e kompetencave luftarake, ndërtimin e ndërveprimit midis forcave të NATO-s dhe partnerëve, si dhe përmirësimin e aftësive dhe gatishmërisë së tyre të përgjithshme detare të kombinuara për të gjitha operacionet, ndërkombëtare dhe kombëtare. “Muajin e kaluar, Australia kontribuoi me një avion patrullimi detar në misionin Sea Guardian të NATO-s për të ofruar ndërgjegjësimin e situatës detare. Në fillim të këtij muaji, anijet e NATO-s po zhvillonin manovra në Atlantik dhe Detin Mesdhe, duke bashkuar pesë aeroplanmbajtëse, anije të shumta luftarake dhe mijëra detarë. Kështu që forcat detare aleate dhe partnere po demonstrojnë qartë aftësinë dhe vendosmërinë e NATO-s për të arritur objektivat e saj strategjikë në kontekste shumë të ndryshme”, përfundoi gjeneral-lejtnant Landrum.
Fraksion.com
