Takimi Kurti-Vuçiç në Bruksel/ Borrell: E informova Stoltenberg për rezultatet zhgënjyese, BE dhe NATO janë në terren
Përfaqësuesi i Lartë i BE-së për Politikë të Jashtme, Josep Borrell ka njoftuar për bisedën që e ka zhvilluar sot me Sekretarin e Përgjithshëm të NATO-s, Jens Stoltenberg, pas zhvillimeve në Bruksel.
Borrell ka thënë se e ka informuar Stoltenberg lidhur me rezultatet dëshpëruese nga takimi sot ndërmjet Kosovës dhe Serbisë.
“E informova Sekretarin e Përgjithshëm të NATO-s, Jens Stoltenberg lidhur me rezultatet zhgënjyese nga takimi me përfaqësues të lartë ndërmjet Beogradit dhe Prishtinës, të ndërmjetësuar nga BE”, ka shkruar ai.
Debriefed @NATO SG @jensstoltenberg about the disappointing outcome of today’s EU-facilitated high level meeting between Belgrade and Pristina.
Escalation must be avoided. The EU and NATO remain coordinated, also on the ground. @EULEXKosovo is monitoring closely.
— Josep Borrell Fontelles (@JosepBorrellF) November 21, 2022
Borrell ka thënë se duhet të shmangen eskalimet.
Ai ka theksuar se BE dhe NATO janë të koordinuara dhe prezente në terren.
“Përshkallëzimet duhet të shmangen. BE dhe NATO mbesin të koordinuar si dhe në terren. EULEX-i po vëzhgon me kujdes”, ka deklaruar ai.
Fraksion.com
