Nëntë persona kanë mbetur të vdekur nga sulmi me raketa ruse në Zaporizhzhia

Numri i të vdekurve nga bombardimet ruse në një ndërtesë banimi në rajonin juglindor të Zaporizhzhia të Ukrainës të enjten është rritur në nëntë, sipas zyrës presidenciale të Ukrainës.

“Që sot në mëngjes u gjetën edhe 2 të vdekur” në Vilniansk, tha në Telegram Kyrylo Tymoshenko, nënkryetari i zyrës së Presidentit Volodymyr Zelensky.

“Kështu, 9 të vdekur tashmë janë gjetur si rezultat i raketave të terroristëve rusë që granatuan ndërtesat e banimit dje”.

Fotot e postuara pas sulmit nga Shërbimi Shtetëror i Emergjencave të Ukrainës treguan dhjetëra shpëtimtarë që punonin në vendngjarje.

Fraksion.com