Konflikt mes të rinjve në Korçë, një i plagosur. Shpallen në kërkim tre persona
Ka përfunduar me një të plagosur me thikë, konflikti mes disa të rinjve në Korcë.
Burime zyrtare të policisë tha se 27 vjecari me inicialet A.H. ka mbëtur i plagosur me thikë, mbrëmjen e djeshme, ndërsa në kërkim janë shpallur tre persona.
Mësohet se pas një konflikti të çastit, shtetasi me inicialet R. I, tashmë në kërkim, ka goditur me thikë 27-vjecarin me inicialet A. H, banues në fshatin Mborje, Korçë, i cili aktualisht ndodhet në spitalin e Korçës, jashtë rrezikut për jetën.
Nga hetimet e kryera rezulton se në konflikt kanë qenë të pranishëm edhe shtetasit A. A. dhe E. L., të cilët nuk kanë njoftuar organet e Policisë, për ngjarjen e ndodhur, dhe për pasojë janë shpallur në kërkim për “Moskallëzimi të krimit”.
Nga ana e Policisë, po punohet për kapjen dhe vënien para përgjegjësisë ligjore të shtetasve të shpallur në kërkim.
Fraksion.com
