“I dorëzohet policisë greke brenda pak orëve”; Arrestohet në Vlorë 45-vjeçari shqiptar që dhunoi disa gra e vajza në vendin fqinj

1 Nëntor, 2022 admin

“Ai do të dalë përpara drejtësisë greke për veprat e tij kriminale, çnjerëzore dhe frikacake”- ky ishte komenti që kishte ministri grek Takis Theodorikakos për arrestimin e Spartak Dyrmishit.

Ministri grek i Mbrojtjes së Qytetarit, Takis Theodhorikakos ka deklaruar pak më parë se është arrestuar përdhunuesi shqiptar Spartak Dyrmishi që ishte larguar në Shqipëri natën e 27 tetorit.

Sipas tij ai ndodhet në duart e policisë greke ps një bashkëpunimi të shkëlqyer me organet shqiptare të Rendit.

Theodhorikakos e ka bërë me dije lajmin me një njoftim në Twitter ku shkruan: Muaj të mbarë. Pas një hetimi metodik dhe identifikimit të autorit dhe me bashkëpunim të shkëlqyer me organet e sigurisë shqiptare, autori i dyshuar i përdhunimit të gruas në Paleo Faliro ndodhet nën prangat e Policisë Greke. Ai do të dalë para drejtësisë greke për veprimet e tij, çnjerëzore dhe kriminale.

Sipas informacioneve që publikohen në shtypin grek, ministri grek Takis Theodorikakos ka biseduar tri herë me homologun e tij shqiptar ditën e djeshme, duke kërkuar që të intensifikohen procedurat për gjetjen dhe dorëzimin e 45-vjeçarit tek autoritetet greke.

Sipas të njëjtave informacione, autoritetet shqiptare e kanë identifikuar 45-vjeçarin nga shenja e gishtit të celularit dhe pasi e kanë arrestuar, në orën 2 të mëngjesit të sotëm ia kanë dorëzuar efektivëve të policisë greke.

45-vjeçari, i cili tashmë është transferuar në Drejtorinë e Përgjithshme të Policisë në Athinë, pritet të dërgohet në prokurori.

Kujtojmë se 45-vjeçari është akuzuar si abuzues seksual serial në Greqi. Së fundmi, Dyrmishi abuzoi seksualisht me një të re në një stacion autobusi dhe dhunoi dy vajza të tjera. Menjëherë pas këtij akti, të rejat denconuan në policinë vendase, ndërsa 45-vjeçari u nis në arrati drejt vendlindjes, në Vlorë. Disa ditë në kërkim, Dyrmishi kishte shprehur dëshirën e tij për t’u dorëzuar te Policia greke, në orët e para të mëngjesit të sotëm. Policia shqiptare e ka dorëzuar atë në Pikën e Kalimit Kufitar Kakavijë në mënyrë që të marrë dënimin nga shteti fqinj.

Mediat greke bënë me dije se pas hetimeve rezultoi se 45-vjeçari, duket se nuk është një person krejtësisht i panjohur për autoritetet e sigurisë së vendit fqinj dhe në të vërtetë nuk përjashtohet që nëse hetimi të rezultojë pozitiv. Si rezultat, atëherë i akuzuari për përdhunim mund të jetë i akuzuar për vepra të tjera në Shqipëri.

Si gruaja viktimë e përdhunimit, ashtu edhe gruaja e arratisur në momentin e fundit e njohën pa rezerva në foton që iu tregua nga policia dhe në fakt ishte një foto që autoritetet e gjetën dhe e morën nga shtëpia e autorit.

Autori kaloi kufirin greko-shqiptar nga stacioni kufitar i Kakavisë në orët e para të 27 tetorit, përpara se të identifikohej nga autoritetet greke .

Për tu arratisur nga vendngjarja, Dyrmishi u nis drejt Vlorës ku jetonte e ëma e tij ndërsa vetë ishte i divorcuar. Në gjendje shoku pasi mori vesh lajmin nëna e tij dhanjë deklaratë në polici.

Fraksion.com

You May Also Like