“Sapo ishte kthyer nga dasma”. Detaje të reja nga vrasja e 39-vjeçarit te Kodra e Diellit në Tiranë. Fotot
Detaje të reja kanë dalë në dritë nga vrasja e Briken Sanajt, ndodhur një natë më parë te Kodra e Diellit në Tiranë.
39-vjeçari ishte fillimisht në Lezhë ku ka marrë pjesë në dasmën e kushëririt të tij.
Kur ka mbaruar dasma, ata kanë sjellë nusen në Tiranë tek pallati ku jetonte prej më shumë se një viti.
39-vjeçari u qëllua teksa po lëvizte më këmbë kur sapo kishte parkuar makinën në garazhin e pallatit ku jetonte.
Autorët e kanë ndjekur më këmbë Sanajn dhe e kanë qëlluar me armë, teksa 3 plumba e kanë kapur në pjesën e kokës.
Dyshohet se autorët kanë monitoruar lëvizjet e Sanajt dhe në momentin që ka qenë i vetëm e kanë qëlluar duke e ekzekutuar.
Makina ishte me targa të vjedhura vetëm pak ditë më parë në Tiranë.
Mes familjeve nisi një hasmëri që pavarësisht përpjekjeve për pajtim nuk u realizua.
Fraksion.com
