Berisha ftesë Bashës: Dil e trego si i dërgove paratë në Skoci

Kryetari i Partisë Demokratike, Sali Berisha deklaroi se i ka kërkuar ish-kryedemokratit, Lulzim Basha të tregojë se si ku i mori paratë ,të cilat dyshohet se janë financime ruse dhe se si i dërgoi në Skoci.

Në emisionin “Now” në Euronews Albania, Berisha tha se nuk ka prova për të thënë se paratë për PD-në erdhën nga rusët.

“Ndonjë vizitë është bërë në seli. Ambasadori ka qenë në seli. Dil trego i kam thënë, ku i more paratë dhe si i çove në Skoci. Kaq kam kërkuar. Që kanë qenë 650 mijë dollarë, kanë qenë me faturë. Që kanë kaluar nga Binjata, është fakt. Cili është burimi i tyre? Nuk e di.

A i takon Lulzim Bashës të tregojë se ku i mori paratë? Jo se dua të godas Lulzim Bashën, po të kisha dashur, kisha gjetur mënyra të tjera. Të tregojë kush ia dha paratë. Janë apo jo para ruse, këtë nuk di ta them”, theksoi kryedemokrati.

Fraksion.com