Gjendet një automjet i djegur në Tiranë, dyshohet të jetë i autorëve të ekzekutimit tek “Kodra e Diellit”

Një makinë është gjetur e djegur në Qafë Kashar. Sipas policisë mjeti dyshohet se ëhstë përdorur nga ekzekutorët e Briken Sanajt mbrëmjen e sotme tek “Kodrat e Diellit”.

Bëhet me dije se 39-vjeçari Sanaj është qëlluar nga një makinë në lëvizje me breshëri kallashnikovi. Sanaj është dërguar menjëherë në spital nga banorët e zonës, por nuk ka mundur të mbijetojë për shkak të plagëve.

39-vjeçari ka marrë 3 plumba në fytyrë.

Ndërkohë policia ka gjetur në vendngjarje gëzhojat e plumbave me të cilat u qëllua ndaj 39-vjeçarit.

Aktualisht policia po heton për zbardhjen e ngjarjes dhe për kapjen e autorëve.

Njoftimi i policisë:

Më datë 30.10.2022, te Kodra e Diellit, në rrethana ende të paqarta, është qëlluar me armë zjarri shtetasi B. S., rreth 39 vjeç, i cili ka ndërruar jetë rrugës për në spital.

Shërbimet e Policisë kanë shkuar menjëherë në vendngjarje, kanë ngritur pika kontrolli dhe vijojnë krehjen e zonës për identifikimin dhe kapjen e autorit/ëve.

Janë shoqëruar disa persona në Polici.

Në Qafë Kashar, në afërsi të një biznesi pllakash, është gjetur duke u djegur, një automjet.

Grupi hetimor po punon për sqarimin e plotë të rrethanave të ngjarjes dhe për fiksimin e çdo prove të vlefshme që mund të çojë në identifikimin e autorëve.

Farkson.com